Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mai'naya kavane 20:1 - The Keyagana NT and 25 OT books

1 Nofi alagafati aniʼmoʼa humi neʼapate. Lokiya aniʼmoʼa humi neʼapate. Lokiya aniʼmoʼa kaveta hisaya kavaʼmo alino he tino neʼapate. Ani aniʼmoʼa humi apateʼnigeʼa alagepa kaʼmo ataleʼnaya vayaʼmo negi vayaʼmo maiʼnae.

အခန်းကိုကြည့်ပါ။ ကော်ပီ




Mai'naya kavane 20:1
21 ပူးပေါင်းရင်းမြစ်များ  

Inagi ega uneʼmo Neviniʼa Yulaiyafeʼmo ge huʼnigeno eʼnigeʼana neʼyaʼmo nege aniʼmo magokepiʼmo nege huteʼanaeʼmo agaemo Yulaiyaʼmo aniʼmo amiʼnigeno neteno negi nagi hisiyafeʼmo amiʼniyaʼmonanafa ani haniʼilagamo Yulaiyaʼa noʼalegamo uno ohavaeʼnifa Nevini aliʼyaʼamo neʼaliya vayaʼeʼmo yakaiʼnonaleʼmo havaeʼniye.


Kagaemo lokiya aniʼmo nege lusi neʼyaʼmo nege nehaya vayaʼmo alika kao yaʼmo osuvo.


Lemuveliyo, huʼna, Kini vayaʼmogimo nofi alagafati aniʼmo noʼnaya kavaʼmo hanege lokiya aniʼmo noʼnaya kavaʼmo hanege huʼniye.


Lokiya aniʼmo neteʼa negi nagi hisayafeʼmo gotilamiyapiʼmo he netiya vayaʼmogi lokiya aniʼmo neme neme neʼvisageno haniʼilaga folaguʼmo hugiyaʼmofeʼmo lusi kava huʼa kage kage hugae. Neme neme uʼa negi nagi hugae.


Nofi alagafati aniʼmo neʼnaya kavatefeʼmo lokiya vayane, huʼa ala agimo amiʼnaya vayaʼmogimo lusi kava huʼa kage kage hugae.


Vayaʼmo aliʼa anupa nehaya afinaʼmo apakaepatiʼmo mago vekamoʼmo ina gemo hunoʼaeʼmo, Nagaemo nofi alagafati aniʼmo aliniʼna esugeta lagaemo alino negi nagi huno latesiya aniʼmo neme neme ugune. Lagaemo egamo ani agufa kavaʼmo huteta magoʼe hutageʼmo negaune, huno hugiye.


Agaemo nofi alagafati aniʼmo netenoʼaeʼmo gemo amagino neʼatale. Agiʼalemo alino asaga huno neʼateya vekamo maiʼniyaʼmofeʼmo noʼafi maisiya kavafeʼmo ohauʼnigeno ataleno umenitata nehunoʼaeʼmo himuʼnamu kavaʼmo nehiye. Nefaliya kavaʼmoʼa magoʼe vayaʼmo alisiyafeʼmo hauʼniya kava huno asole yaʼmo alisiyafeʼmo hauʼnigeno haʼye nehigenoʼaeʼmo aipamoʼmo ha noke. Agaemo asole alu nofi vaya alu nofi vayaʼeʼmo kamemo huteno huno aeno apaka seno yagaino neʼapate.


kumayaʼmo neʼaliya vayaʼmofi hapaʼye nehiya vayaʼmofi aniʼmo neteʼa negi nagi gemo nehaya vayaʼmofi huʼa faipa huʼa neʼapataya vayaʼmofi koli yaʼmo aliʼa apamiteʼa kumayaʼmo neʼaliya vayaʼmogimofi huʼa Gotiʼa yagaino neʼapateya koteʼmo uʼa haiʼa oʼmaigae.


Hosu apaipa kalige kamitimo apamagige lusi aniʼmo neteʼa negi nagi gemo huge lusi kava huʼa ogefage huʼa apavamusa valeʼa negi nagi huge magoʼe huʼa ani agufa hosu kavaʼmo huge nehae. Hogoteʼna lapa paiʼnovanageʼna hemenimo halate magoʼe gemo huʼnaeʼmo, ehetapiye, huʼna lapa nepauve. Afole oʼaiʼniya afinaʼmo hogoteʼna lapa paiʼnaeʼmo mani agufa hosu kavaʼmo nehaya vayaʼmogimo Gotiʼa yagaino neʼapateya kopiʼmo uʼa haiʼa mafaʼneʼapimogimo afoʼapimogi yaʼmo neʼaliya kava huʼa Gotitegatiʼmo hetamaʼapimo afaʼa oʼaligae.


Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ