3 alagepa huka alika fako hisanafeʼmo ge huge afika aeto hisanafeʼmo alopa gefatiʼmo ge huge huka maiʼnisanana ageteka afigane.
Nagaemo aliʼyakamo neʼaluva vekamo maiʼnove. Nagaemo keʼaepa gekamo kavayafatiʼmo hisanageʼna gekamo aepaʼamo afisuva kavaʼmo alika namiyo.
O Ala kava nene, huʼna, lokiya vaiʼna ge nehuva geʼnimo afiyo. Lapa maegauve, huka huʼnana gekalefeʼmo gemo aepaʼamo afisuva kavaʼmo namiyo.
Alagepa nagesamo afisuva yaʼmo alika namigeʼnao keʼaepa gekamo akame hino. He, muki naipafatiʼmo akame huguve.
Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.
afiteka agesana geleʼmo kagetafo huka afige afika aeto hisanafeʼmo aliʼyaʼmo alige
Vayaʼmogimo siluva yafafeʼmo lusi kava huʼa aliʼyaʼmo aliʼa kahauya nehaya agufa kavaʼmo huka kahauya hisanana ageka aligane. Vayaʼmogimo alagepa yaʼmo lageso huʼnigeʼapaeʼmo apayamukiki huʼa kahauya nehaya kava huka kahauya hisanana ageka aligane.
Muki kavaʼamo nehukaeʼmo Ala kava nefeʼmo kagesa alaʼamo afigenoʼao muki kaʼmo alino ho huno kategaiye.
Mafaʼneʼnimogitapae, huʼna, afotapimoʼna geʼnimo alagepa hutapa afiyo. Afitapa aeto hisayafeʼmo lapaipamo namiyo.
Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.
Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.
Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.