Mai'naya kavane 2:13 - The Keyagana NT and 25 OT books

¹³ Ani vayaʼmogimo alagepa kaʼmo ataleʼa hosu kaʼmo hani huʼniya kateʼmo neʼvae.

Mai'naya kavane 2:13 ပူးပေါင်းရင်းမြစ်များ

Samu 14:3

Apakeʼniyaʼmonanafa mukiʼamogimo alagepa kaʼmo ago ataleʼa magoke aiyaya huʼa hosu vayaʼmo maiʼnae. Alagepa kavaʼmo nehaya vayaʼmo alagiʼato oʼmaiʼnae. Magokeʼatomo alagi oʼmaiʼniye.

Samu 36:3

Hosu gemo huge aigofe gemo huge huʼa neʼmaiye. Afiteʼa ageʼnaya kavaʼe alagepa kavaʼapiʼeʼmo ataleʼa afaʼa neʼmaiye.

Samu 82:5

Agoti gemo neʼafiya vayaʼmogimo oʼafige afiʼa aeto osuge huʼnae. Apakaemo hanipiʼmo umenitata nehae. Ma mopafi kavaʼapimo fatago kavaʼmo ohaneʼnigeʼa apakaemo fatago gemo huʼa aliʼa fako nosae.

Mai'naya kavane 21:16

Mago vekamoʼmo afino aeto hisiya kaʼmo atalesiyana faliʼnaya vayaʼmo aliʼa anupa huʼa neʼmaiyategamo uno maigiye.

Aiyeya 59:8

Alagepa huʼa magokepi lokaeʼa maisageno apaipamoʼmo falu hisiya kaʼmo noʼagae. Apakaemo vayaʼai kavaʼapimo alagepa huʼa aliʼa fako nosae. Apakaemo kaʼapimo kayagi kayaga kaʼmo valiʼnae. Ina lagimo ani kateʼmo visafi alagepa huʼa magokepi lokaeʼa maisaya kavaʼmo oʼagegae.

Sefanaiya 1:6

Ala kava neʼmo magoʼe huʼa akame osuʼa ataleʼnaya vayaʼe Ala kava neʼmo agesayafeʼmo kahauya huʼa ge huʼa afi okeʼnaya vayaʼeʼmo aliʼna hano huʼna apatalegauve.

Yoni 1:6

Gotiʼa mago vekamo agiʼamo Yoniʼa alino ateʼnigeno eʼniye.

Yoni 12:35

Yesuʼa hunoʼaeʼmo, aise afinaʼmo ha le yaʼmo neʼapamiya vekamo lapakaeʼeʼmo magokepi lokaeno maiʼnenoʼaeʼmo aeno ha leno lapategaiye. Aeno ha leʼnisiya yategamo umenitata hiyo fiku yanageno hani lapaugiyanagi. Hanipiʼmo umenitata nehiya vekamoʼa haiya kateʼmo neʼufi huno oʼagegaiye.

Lomu 1:21

Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.

2 Timoti 4:10

Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.