Mai'naya kavane 2:12 - The Keyagana NT and 25 OT books

¹² Ani kavaʼmoʼa hosu kavategatiʼmo kavalelino egaiye. Hosu gemo nehiya vekamo ayapatiʼmo kagufamo alino katino kategaiye.

Mai'naya kavane 2:12 ပူးပေါင်းရင်းမြစ်များ

Samu 101:4

Aigofe kavaʼmo osuʼna hosu apaipa vayaʼmo hapafaiʼna apatalegauve.

Samu 141:4

Nagaemo hosu kavaʼmo hisuvafeʼmo afaʼa nateʼnegenoʼa alino he tino oʼnateno. Fiku yanageʼna hosu kavaʼmo nehaya vayaʼeʼmo hosu kavaʼmo huguve. Kagaemo natalegeʼna haga neʼyaʼapimo apakaeʼeʼmo magokepiʼmo afaʼa oʼneno.

Mai'naya kavane 10:32

Fatago vayaʼmogi hisaya gemo ago afiʼnayaʼmonanafa hosu vayaʼmogi hosu gegeʼmo hisayafeʼmo afiʼna e.

Mai'naya kavane 13:20

Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Mai'naya kavane 23:33

Neʼnekaeʼmo aeto agufa yaʼmo agege negi nagi gemo huge hugane.

Mai'naya kavane 28:26

Nagaiʼnimo afaʼa naha maegauve, huno agaiʼamo alino amufa neʼamiya vekamo negi vekamo maiʼniyaʼmonanafa afiteno ageʼniya kavaʼmo nehiya vekamo hosu kavapatiʼmo avalelino uno haigiye.

Mai'naya kavane 3:32

Ala kava neʼmoʼa ani agufa hosu vekaeʼmo alagi ohauʼnigeno aino maku huno neʼateyaʼmofeʼmae. Ohauʼniyaʼmonanafa fatago vayaʼaifeʼmo fala kino haneʼniya gemo hapa paiʼniye.

Mai'naya kavane 6:12

Hosu kavaʼmo nehaya vayaʼmogimo aliʼyaʼapimo ohaneʼnigeʼa maiʼneʼa hosu gemo nehae.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Mai'naya kavane 9:6

Negi nagi kavaʼmo atalegenoʼao afaʼa maisaya yaʼmo aligayanagi. Afitapa aeto hisayafeʼmo alagepa kateʼmo viyo, huno hapa paiʼniye.

Apa 20:30

Mago vayaʼmo lapakaepatiʼmo he tiʼa apakame hisayafeʼmo aigofe gemo huteʼa apakesamo faiteʼa apayate aligae.

1 Kolitiyani 15:33

Fiku yanageʼa humi lapategae. Hosu vayaʼeʼmo magokepi lokaeta maisayana lapaipa lapakesamo aliʼa atagaeʼa atalegae.

2 Kolitiyani 6:17

Huʼniyaʼmofeʼmo Ala kava neʼmoʼa hunoʼaeʼmo, Apakae folagapatiʼmo apataletapa uta lapaote maiyo. Hosu yateʼmo ame oʼaliʼnigeʼnao lapavalegauve.