Mai'naya kavane 2:10 - The Keyagana NT and 25 OT books

^10-11 Afiteka agesana kavaʼmoʼmo kaipafiʼmo faleno uno haisigeka alagepa huka maigane. Afiteka agesana kavaʼmoʼmo haga nekahausigeno afiʼka aeto hisana kavaʼmoʼa yagaino kategaiye.

Mai'naya kavane 2:10 ပူးပေါင်းရင်းမြစ်များ

Samu 104:34

Nagaemo Ala kava nefeʼmo namogaga neʼauvaʼmofeʼmo agaefeʼmo nagesa afifi nehuva kavafeʼmo amuse huno nateno.

Samu 119:103

Nagaemo gekamo neʼna afi geʼnogenoʼaeʼmo haga nahauʼniye. Gekamo hagaʼamoʼmo luʼmemo anumoʼmo nehiya hagaʼamo ago aeno agaseno haga nehiye.

Samu 119:111

Mafaʼneʼapimogimo afoʼapimogi kagemi yaʼapimo neʼaliya kava huʼna kavayafatiʼmo huʼnana keʼaepa gemo aliʼnovanageno hetamaʼnimo hanege hanege huno hanegaiye. Ani gekaeʼmo naipafiʼmo namogaga neʼauve.

Samu 119:162

Vayaʼmogi kamemo huʼa aeʼa apakaseteʼa alopa kagemi yaʼmo aliteʼapaeʼmo apamogaga neʼaiya kava huʼna gekaeʼmo namogaga neʼauve.

Samu 119:97

Nagaemo keʼaepa gekaeʼmo lusi kava huno nahau nayamopafiʼmo nahauʼniye. Neteʼe uneʼeʼmo gekaeʼmo nagesa afifi huʼna maiʼnove.

Samu 19:10

Alopa monieʼmo hapaʼye nehiya kava huʼa geʼamo afisayafeʼmo magoʼe huno hapaʼye hisiya agufa gemo haneʼniye. Magoʼe huno hagaʼage gemo haneʼneno luʼme anumoʼmo nehiya hagaʼamo ago aeno agaseno haneʼniye.

Mai'naya kavane 1:4

Ani gemoʼmo oʼafiʼnaya vayaʼmogi afiteʼa alagepa kavaʼmo hisayafeʼmo alino apave ligiye. Neya vayaʼmo afiteʼa agesayafeʼmo alino apave ligiye. Afiteno ageʼnisiya vekamoʼmo ani gemo afitenoʼaeʼmo magoʼe huno afiteno agegaiye.

Mai'naya kavane 14:33

Afiteno ageʼniya kavaʼmo afino aeto nehiya vekamo aipafiʼmo afaʼa nehaneyaʼmonanafa negi vayaʼmogi apaipafiʼmo haneʼniya kavaʼmo afole neʼaiye.

Mai'naya kavane 22:18

Ani gemo kaipafiʼmo hanesigekaeʼmo alagepa huka maiʼneka kamogaga aigane. Muki ani gemo vayaʼaifeʼmo hapa paiyo.

Mai'naya kavane 4:6

Ani alagepa huʼa afiteʼa ageʼnaya kavaʼmo mago alagepa a kanogana huno haneʼniye. Kagaemo ani a kanomo oʼatalesanaʼmoʼmo alagepa huno yagaino katesigeka maigane. Agaefeʼmo kahau kayamopafiʼmo kahauʼnisiyaʼmoʼmo alagepa huno yagaino kategaiye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.