Mai'naya kavane 19:3 - The Keyagana NT and 25 OT books

³ Vayaʼmogimo apakaiʼapimo nehaya negi kavaʼapimoʼmo aliʼyaʼapimo alino hosu huno neʼategeʼapaeʼmo Ala kava nefeʼmo apaipamo leʼa neʼatae.

Mai'naya kavane 19:3 ပူးပေါင်းရင်းမြစ်များ

2 Kini 6:33

Ilaisaʼmo ani gemo nehigenoʼaeʼmo ani vekamo ago eno avaʼyi nehigenoʼaeʼmo kini vekaʼeʼmo eno avaʼyi huʼniye. Kini vekamoʼmo Ilaisafeʼmo ha painoʼaeʼmo, Ala kava neʼmogeʼmo ani hosu afinaʼmo lagaeteʼmo alino afole aino ateʼniye. Na kava hinageʼnaeʼmo magoʼe huʼna agava maiguve, huno ha paiʼniye.

Samu 37:1

Hosu vayaʼmogi nehaya kavaʼapieʼmo lapakesa alaʼamo afitetapa lapausoli osiyo. Hosu kavaʼmo nehaya vayaʼaifeʼmo alagepa kavaʼmo huʼa neʼmaiyanageta apakaekana huta maigesune, hutapa osiyo.

Samu 37:7

Ala kava neʼmo aulagaleʼmo afaʼa maiʼnetapaeʼmo agava huta maige maige hutapa maiyo. Hosu kavaʼmo huteʼa alagepa huʼa neʼmaiya kavafeʼmo lapakesa alaʼamo afitetapa lapausoli osiyo.

Mai'naya kavane 11:3

Fatago vayaʼai fatago kavaʼapimoʼa ka alino ho huno neʼapateyaʼmonanafa geʼapimo akame nosaya vayaʼai hosu kavaʼapimoʼa alagi alino apagoʼya lagauno apatalegaiye.

Aiyeya 32:6

Gotifeʼmo mono nosaya agufa kavaʼmo huge Ala kava netegamo aigofe gemo huge hisayafeʼmo negi vekamoʼmo negi nagi gemo huge hosu kavaʼmo hisiyafekeʼmo aipafiʼmo lusi kava huno agesa afige hugiye. Agaemo kafu nehaya vayaʼmo apaka tege aniʼapimo hano huʼniya vayaʼmo anifeʼmo hapauge hisiyafeʼmo hosu kavaʼmo hugiye.

1 Samiyo 13:13

Inagi Samiyoʼmo ha painoʼaeʼmo, Kagaemo negi kavaʼmo huʼnane. Kagaemo Ala kava neʼmo Gotikamoʼmo huvo, huno kaha paiʼniya gemo akame osuʼnane. Kagaemo akame huʼnanesinana Isaleli vayaʼaiteʼmo kagaeʼe kaginago vayaʼeʼmo muki afinaʼae afinaʼaeʼmo yagaitapa apateme apateme uʼnaesine.

1 Samiyo 15:23

Goti geʼamo amagiʼa neʼatalaya kavaʼmoʼa apaune gemo neʼafiya agufa kavakana huno haneʼniye. Himuʼnamu kavaʼmoʼa hosu kavakana huno hanege aigofe gotigitefeʼmo mono nehaya agufa kavakana huno haneʼniye. Kagaemo Ala kava neʼmo geʼamo amagika ataleʼnanaʼmofeʼmo agaemo kaha faino kataleʼniyanageka kini vekamo oʼmaigane, huno ha paiʼniye.