Mai'naya kavane 19:23 - The Keyagana NT and 25 OT books

²³ Ala kava nefeʼmo koli nehaya kavaʼmoʼa afaʼa maisaya yaʼmo neʼapamiye. Ala kava nefeʼmo koli nehaya vayaʼmogi hapaʼye nehiya kavaʼmo apaipamoʼmo falu hugiye. Hosu kavaʼmo apakaeteʼmo afole oʼaigiye.

Mai'naya kavane 19:23 ပူးပေါင်းရင်းမြစ်များ

Samu 103:17

Nefalunaʼmonanafa Ala kava nefeʼmo koli huteʼa mono nehaya vayaʼaifeʼmo akeyaʼvilagatiʼmo hau huno apatelineno henagaʼamo afole aisaya afinaʼeʼmo hau huno apatelinuno hau huno apateno hano osugiye. Agaemo laha neʼmaeya kava huno alita apateʼnonanageʼa henagaʼamo aliʼa apateliʼa visaya mafaʼne anagaʼmogimo kotalake geʼamo akame huteʼa ina kavaʼmo hiyo, huno huʼniya gemo neʼafiya vayaʼmo hapa neʼmae.

Samu 19:9

Ala kava nefekeʼmo koli huteʼa mono nehaya kavaʼmo yaveyave kavaʼmo haneʼneno muki afinaʼmo hanege hanege huno hanegaiye. Ala kava neʼmoʼa alino fako huno neʼapateya gemo alagi lama gemo haneʼneno fatago gemo haneʼniye.

Samu 25:13

Apakaemo alagepa huʼa maisageʼa apakinago vayaʼmogi ma mopamo aligae.

Samu 85:9

Ha le konali yaʼamoʼmo lagae mopaleʼmo hanege hanege huno hanesiyafeʼmo agaefeʼmo koli nehaya vayaʼmogi hapaopaleʼmo eno apakufamo alino katino apategaiye.

Samu 90:14

Muki afinaʼmo lamogaga aige amuse huge huta maisunafeʼmo muki afinaʼmo neteʼae neteʼaeʼmo olataleka kahau huka lato.

Samu 91:16

Yatala kafugamo maisiya yaʼmo amisugenoʼaeʼmo, alagi haine, huno huteno hao ke hegaiye. Agufamo aliʼna katiʼna ateʼnova kavaʼnimo aepaʼamo aliʼna ave liguve, huno huʼniye.

Mai'naya kavane 10:27

Ala kava nefeʼmo koli nehuʼa akame nehaya vayaʼmogi kafugaʼapimo magoʼe huʼa maigayaʼmonanafa hosu vayaʼai kafugaʼapimo aiseʼamo maiteʼa faligae.

Mai'naya kavane 11:19

Muki vayaʼmogi fatago kavaʼmo akame nehisayana afaʼa maisaya yaʼmo aligayaʼmonanafa hosu kavaʼmo hisayafeʼmo vegala neʼaya vayaʼmo faligae.

Mai'naya kavane 12:21

Muki fatago vayaʼmogi alopa hanageke yaʼmo oʼaligayaʼmonanafa hosu vayaʼmogi asole hanageke yaʼmo aliʼa havaitegae.

Mai'naya kavane 19:22

Hau ayamopafiʼmo hauʼniya vekamoʼmo hapa maesiyafeʼmo hauʼniye. Kagemi yaʼamo ohaneʼniya vekamoʼmo aigofe gemo nehiya vekamo ago aeno aga seʼniye.

Mai'naya kavane 22:4

Afa vayaʼmo maiʼnone, huʼa huteʼa Ala kava nefeʼmo koli nehaya vayaʼmogimo kagemi yaʼapigi ala apakiʼapigi afaʼa maisaya yaʼapigi huʼa neʼaliye.

Mai'naya kavane 3:24

Havaesanafeʼmo hisana afinaʼmo koli osugane. He, hipaleʼmo havaekaeʼmo alagepa huka havaegane.

Malakai 4:2

Alagi oʼmaigayaʼmonanafa nagiʼnilefeʼmo koli nehaya vayaʼaitegamo ani kavaʼmo huno fatago vekamo yegegana huno hainesiya kavaʼamoʼmo alino hapageno apatesigeʼa alagepa huʼa maigae. Nopatiʼmo pulumaka anaʼau anagaʼmo kita yakiʼa apateʼnageʼapaeʼmo aeʼa hailo hailo huliʼa neʼvaya kava hutapa ugae.

Matiyu 5:6

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Apa 9:31

Ani afinaʼmo Goti mafaʼneʼamo aliʼa anupa huʼa maiʼnaya vayaʼmo Yutiya kotegagi Galeliya kotegagi Sameliya kotegagi huʼa maiʼnaya siosi vayaʼmogimo apaipamoʼmo falu huʼnigeʼa apayamufa huʼa maiʼnae. Gotifeʼmo koli huʼa maiʼnagenoʼaeʼmo Goti Aunemeʼamoʼmo alagepa huno hapa maeʼnigeʼa alagepa huʼa maiʼnageʼapaeʼmo magoʼe magoʼe huʼa asole vayaʼmo Goti mafaʼneʼamo hamaleʼnae.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

1 Timoti 4:8

Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.