Mai'naya kavane 19:16 - The Keyagana NT and 25 OT books

¹⁶ Hiyo, huno huʼniya geleʼmo alagepa huno neʼyagaiya vekamoʼmo agaiʼaleʼmo alagepa huno yagaino neʼateyaʼmonanafa agaiʼa kavaʼaleʼmo alagepa huno yagaino noʼateya vekamo faligiye.

Mai'naya kavane 19:16 ပူးပေါင်းရင်းမြစ်များ

Mai'naya kavane 13:13

Ina lagimo Goti geʼaeʼmo, afaʼa ina agufa gemo haneʼniye, huʼa apakesamo neʼafisafigeno alino apagoʼyamo lagauno apatalegaiyaʼmonanafa geʼaeʼmo koli nehaya vayaʼmogimo miyaʼapimo aligae.

Mai'naya kavane 15:32

Aliʼa aya malesayafeʼmo hisaya geeʼmo ina agufa gemo nehae, huno nehisiya vekamoʼmo agaiʼa aunemeʼaeʼmo ina agufa yane, huno nehiyaʼmonanafa aliʼa api aiʼa atesayafeʼmo hisaya gemo afisiya vekamoʼmo afino aeto hugiye.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 21:16

Mago vekamoʼmo afino aeto hisiya kaʼmo atalesiyana faliʼnaya vayaʼmo aliʼa anupa huʼa neʼmaiyategamo uno maigiye.

Mai'naya kavane 21:23

Avayaleʼe avenafuʼnaleʼeʼmo yagaino neʼatesiya vekamoʼmo hanageke yaʼmo oʼaligiye.

Mai'naya kavane 22:5

Kayagi kayaga kavaʼmo nehaya vayaʼmogi kaʼapileʼmo aufe nofiʼmo hanege aneʼaimo hanege huʼniye. Haneʼniyaʼmonanafa aunemeʼaleʼmo alagepa huno yagaino neʼateya vekaleʼmo aufe nofiʼmoʼe aneʼaimoʼeʼmo afagiʼaleʼmo haneʼniye.

Mai'naya kavane 29:18

Gotiʼa alino apave lisiyafeʼmo geʼamo alino oʼapamiʼnigeno geʼamoʼmo nofi aeno oʼapateʼnigeʼa magoʼe magoʼe huʼa hosu kavaʼmo hugayaʼmonanafa keʼaepa gemo alagepa huno akame nehiya vekamoʼmo amogaga aino maigiye.

Mai'naya kavane 3:1

Mafaʼneʼnimogae, huʼna, keʼaepa geʼnieʼmo kage kanika oʼatalo. Haʼao, muki afinaʼmo alagepa huka kagesamo afitekaeʼmo akame huvo, huʼna huʼnova gemo akame huvo.

Matiyu 16:26

Mago vekamoʼmo muki ma mopafi yaʼmo aliʼnisigeno agupi mafaʼnemo afela hesiyaʼmoʼmo akamelegati magoʼe yaʼmo alisifiye. Haʼao oʼaligiye. Agupi mafaʼnemo afela heʼnisiyaʼmoʼmo na agufa miyatetiʼmo halate miya faino aligiye.

Luki 10:28

he, lama gemo hane. Ani kavaʼmo huka maime maime uvo alagepa huka maige maige huka maisana yaʼmo aligananagi, huno ha paiʼnigeno

Luki 11:28

Yesuʼa hunoʼaeʼmo, lama gemo nehanaʼmonanafa Goti geʼamo afiteʼa akame nehaya vayaʼmo alino auleno apateʼniye, huno ha paiʼniye.

Yoni 14:15

Nagaefeʼmo lapau lapayamopafiʼmo lapauʼnisiyaʼmoʼmo ina kavaʼmo hiyo, huʼna nehuva gemo akame hiyo.

1 Kolitiyani 7:19

Lagufamo lagauʼnisafi olagauʼnisafi afaʼa ina agufa kavaʼmo haneʼniye. Hogote kavaʼmo haneʼniyana Goti keʼaepa geʼamo akame nehuna kavaʼmo haneʼniye.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.

1 Yoni 5:3

Gotifeʼmo hapau apayamopafiʼmo nehapaiya kavaʼmoʼa Goti keʼaepa geʼamo ani kavaʼmo hiyo, ina kavaʼmo osiyo, huno huʼniya geʼamo akame nehaya kavaʼmo haneʼniye. Goti keʼaepa geʼamo akame hisuna kavaʼmoʼa kana osuʼniyanageta afaʼa akame hugune.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.