Mai'naya kavane 19:11 - The Keyagana NT and 25 OT books

¹¹ Afiteno ageʼniya vekamoʼmo malage huno aipamo olegaiye. Ala agiʼamo haneʼniya kavaʼmo haneʼniyana agaetegamo hosu kavaʼmo hisaya vayaʼmo afaʼa apakeno apatalegaiye.

Mai'naya kavane 19:11 ပူးပေါင်းရင်းမြစ်များ

2 Kini 5:12

Namasakasi kotega Emana aniʼmoʼe Fapa aniʼmoʼeʼmo muki Isaleli kotega aniʼmo ago aeno aga seʼniye. Nagaemo ani lole anitalapiʼmo aniʼmo faleteʼna alagepa huʼna oʼmaigufiye, huno huteno lusi kava huno aipamo leʼnigeno ataleno uʼniye.

Mai'naya kavane 11:13

Hosu faigoko gemo nehiya vekamoʼmo hapa opaisiya agufa gemo hapa nepaiyaʼmonanafa lama ge vekamoʼmo fala ki gemo hapa nopaiye.

Mai'naya kavane 12:16

Negi vekamoʼmo malage huno aipamo leno neʼapateyaʼmonanafa alagepa kavaʼmo hisiyafeʼmo ageʼniya vekamoʼmo huʼa faipa huʼa atesaya geeʼmo agesamo noʼafiye.

Mai'naya kavane 14:29

Malage huno apaipamo noleya vayaʼmogi afiʼa aeto nehayaʼmonanafa malage huno apaipamo neleya vayaʼmogi negi nagi kavaʼmo agiʼaleʼmo aliʼa asaga huʼa neʼatae.

Mai'naya kavane 15:18

Malage huno aipamo neleya vekamoʼmo kaveta hisaya agufa kavaʼmo alino afole aino neʼateyaʼmonanafa vase huno aipamo neleya vekamoʼmo apaipamoʼmo falu hisiya agufa kavaʼmo alino afole aino neʼate.

Mai'naya kavane 16:32

Malage huno aipamo noleya vekamoʼmo lokiya vekamo ago aeno aga seʼniye. Ani kavaʼmo huno aipa agesaleʼmo alagepa huno yagaino neʼateya vekamoʼmo lokiya vaino kamemo huno aeno apaka seno taonimo aliʼniya vekamo ago aeno agaseʼniye.

Mai'naya kavane 17:14

Mago vekamoʼmo aniʼmo eno haine neʼeya kateʼmo aeno akani maleʼniya mopamo alino atalesigenoʼaeʼmo aniʼmo uno nelamisigenoʼaeʼmo halate aeno oʼakanisiya kava huno mago vekamoʼmo kavetamo alino aepa nefaiye. Nefaiyaʼmofeʼmo kavetamo aliʼa aepa faiʼa osisayafeʼmo apaipamo alitapa falu hiyo.

Mai'naya kavane 20:22

Kagaemo hukaeʼmo, hosu kavaʼamo anonaʼalefeʼmo aeʼna atagaina huʼna huguve, huka osuvo. Ala kava nefekeʼmo agava maiʼnegenoʼao kaha maegaiye.

Mai'naya kavane 20:3

Muki negi vayaʼmogimo ge vaisaya kavaʼmo aliʼa he tiʼa ategayaʼmonanafa ge vaisaya kavaʼmo aliʼa hano huʼa atalesaya vayaʼmogi ala apakimo aligae.

Mai'naya kavane 25:21

Kame vayatapimo apaka tesigetapaeʼmo neʼyaʼmo apamiyo. Anifeʼmo hapausigetapaeʼmo aniʼmo he fitapa apamiyo.

Mai'naya kavane 29:11

Negi vekamoʼmo muki aipafiʼmo haneʼniya kavaʼamo alino afole aino neʼateyaʼmonanafa afiteno ageʼniya vekamoʼmo hauʼniya kavateʼmo alagepa huno yagaino neʼate.

Efasasi 4:32

Lapaipamo lapamete lapamete hutapa apamiteta afalu afalu kavaʼmo hutapa lapau hutapa apateyo. Gotiʼa Kalaisitefeʼmo hosu kavatapimo afaʼa alino ataleʼniya kava hutapa konagatapimogiʼeʼmo afalu afalu kavaʼmo hutapa hosu kavaʼapimo alita ataleyo.

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.