Mai'naya kavane 19:1 - The Keyagana NT and 25 OT books

¹ Kagemi yaʼamo ohaneʼniya vekamoʼmo fatago kavaʼmo nehisiyaʼmoʼmo agaemo hosu gemo nehiya negi vekamo aeno aga segaiye.

Mai'naya kavane 19:1 ပူးပေါင်းရင်းမြစ်များ

Samu 26:11

Hosu kavaʼmo nehayaʼmonanafa nagaemo fatago kavaʼmo nehuvanagi kahau huka nateteka nagufamo alika katika nato.

Samu 37:26

Fatago vayaʼmogimo muki afinaʼmo hapau huʼa apateteʼa magoʼe yaʼmo apamiteʼa anonaʼapilefeʼmo neʼapamiye. Ala kava neʼmoʼa mafaʼneʼapimo fiku hapa maeno neʼapamiye.

Mai'naya kavane 12:26

Fatago vekamoʼmo haopaleʼmo maiʼniya vekamo kaʼmo alino ho huno ategaiyaʼmonanafa hosu vayaʼmogimo hosu kavaʼapimoʼa alagepa kaʼmo ataleʼa hosu kateʼmo visayafeʼmo apavalelino neʼviye.

Mai'naya kavane 14:2

Api kateʼmo neʼviya vekamoʼmo Ala kava nefeʼmo koli nehiyaʼmonanafa kayagi kayaga kateʼmo neʼviya vekamoʼmo Ala kava nefeʼmo afaʼa ina agufa vekamae, huno agesamo neʼafiye.

Mai'naya kavane 15:16

Ala kava nefeʼmo koli nehiya vekamoʼmo aiseʼamo aliʼniya yaʼmoʼa alopa kagemi yanagi hanageke yanagi huno ago aeno agaseʼniye.

Mai'naya kavane 16:8

Fatago kavaʼmo nehunoʼaeʼmo aiseʼamo aliʼniya vekamoʼmo fatago kavaʼmo nosiya vekamoʼmo alopa yaʼmo aliʼniya vekamo ago aeno aga seʼniye.

Mai'naya kavane 19:22

Hau ayamopafiʼmo hauʼniya vekamoʼmo hapa maesiyafeʼmo hauʼniye. Kagemi yaʼamo ohaneʼniya vekamoʼmo aigofe gemo nehiya vekamo ago aeno aga seʼniye.

Mai'naya kavane 20:7

Fatago vayaʼmogimo fatago kavaʼmo nehageʼapaeʼmo mafaʼne anagaʼapimogi aulena vayaʼmo maiʼnae.

Mai'naya kavane 28:6

Kagemi yaʼamo ohaneʼniya vekamoʼmo lama ge kavaʼmo nehisiyaʼmoʼmo kagemi yaʼamo haneʼniya vekamoʼmo kayagi kayaga kavaʼmo nehisiya vekamo ago aeno aga seʼniye.

Mai'naya kavane 4:24

Aigofe gemo kavayafatiʼmo osuvo. Muki alu hosu ge alu hosu gemo osuvo.

Aiyeya 59:3

Vayaʼmo hapaeʼnaya kolaʼmo lapayateʼmo haneʼniya kavaʼmoʼa alino hosu huno lapateʼniye. Lapakinagoletiʼmo hosu kavaʼmo huʼnaya lapayaʼmo hosuʼniye. Lapavayafatiʼmo aigofe gemo huʼnae. Lapavenafuʼnaletiʼmo hosu gemo huʼnae.

Matiyu 16:26

Mago vekamoʼmo muki ma mopafi yaʼmo aliʼnisigeno agupi mafaʼnemo afela hesiyaʼmoʼmo akamelegati magoʼe yaʼmo alisifiye. Haʼao oʼaligiye. Agupi mafaʼnemo afela heʼnisiyaʼmoʼmo na agufa miyatetiʼmo halate miya faino aligiye.

1 Samiyo 25:17

Aliʼyaʼmo afoʼamoʼmo himuʼnamo vekamo ge noʼafiya vekamo maiʼniyaʼmofeʼmo Neviniʼe vayaʼaʼeʼmo eʼa lagaemo ala vekatiʼe muki afamo anagaʼaʼeʼmo aliʼa hosu huʼa apategae. Kagaemo alagepa huka kagesamo afitekaeʼmo afole aisiya hanagekeyaʼmo atafauka ato, huno ha paiʼniye.

1 Samiyo 25:25

Kagaemo hosu vekamo Nemofeʼmo kagesamo oʼafiyo. Agiʼamo aepaʼamo haneʼniyana negi vekamo maiʼniye. Kavaʼamoʼmo ani agufa kavaʼmo haneʼniye. Nagaiʼnimo kagaemo alika apateʼnageʼa lagaetegamo eʼnaya neya vayakamo oʼapakeʼnove.