Mai'naya kavane 18:7 - The Keyagana NT and 25 OT books

⁷ Negi vekamoʼmo agaiʼamo huʼniya gemoʼmo agaiʼamo alino hano huno atalegaiye. Agaiʼamo avayafatiʼmo huʼniya gemoʼmo aneʼaifi hegekana huno atafaugiye.

Mai'naya kavane 18:7 ပူးပေါင်းရင်းမြစ်များ

Samu 140:9

Kagaemo kame vayaʼnimo afaʼa apateʼnegeʼa faiʼa vego huʼa oʼnateyo. Apakaemo, alita hano huta katalegaune, huʼa nehayaʼmonanafa kagaemo apakaiʼapi legageʼmo hugenoʼa afole aino.

Samu 64:8

Apakaemo hosu gemo nehayaʼmofeʼmo Gotiʼa alino hano huno apatalegaiye. Vayaʼmogimo apakaetegamo afole aisiya kavaʼmo ageteʼapaeʼmo apakenopaletiʼmo keka hugae.

Mai'naya kavane 10:14

Afiteʼa neʼagaya vayaʼmogi neʼafiya gemo aliʼa alu aiʼa neʼmalayaʼmonanafa negi vayaʼmogimo geʼapiletiʼmo apakaiʼapimo aliʼa hano huʼa neʼapatae.

Mai'naya kavane 10:8

Afiteno neʼageya vekamoʼa huvo, huʼa nehaya gemo akame nehiyaʼmonanafa asole afa gemo nehiya vekamo asagauno aigiye.

Mai'naya kavane 12:13

Hosu vayaʼai geʼapimoʼmo aneʼai hegekana huno apatafaugiyaʼmonanafa fatago vayaʼmogi hanageke yaʼmo aeʼa aga segae.

Mai'naya kavane 13:3

Avayaleʼmo alagepa huno neʼyagaiya vekamo alagepa huno maigiyaʼmonanafa asole gemo nehiya vekamo alagepa huno oʼmaigiye.

Mai'naya kavane 14:3

Negi nagi vekamoʼmo himuʼnamu gemo nehiya geletiʼmo kayoʼmo aligiyaʼmonanafa afiteʼa ageʼnaya vayaʼmogi nehaya geletiʼmo apakaiʼapileʼmo yagaiʼa apategae.

Mai'naya kavane 16:22

Afino aeto nehiya kavaʼamo aliʼniya vekalefeʼmo afaʼa neʼmaiya yaʼmo neʼapamiya meti anikana huno maiʼniyaʼmonanafa negi vayaʼmogi negi kavaʼapiletiʼmo kayoʼmo neʼapamiye.

Mai'naya kavane 18:8

Apakamelega gemo nehaya gemoʼa haga neʼyakana huno haneʼniye. Ani agufa gemoʼmo vayaʼmogi apaipafiʼmo uno nelamiye.

Mai'naya kavane 5:22

Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.

Mai'naya kavane 6:2

gekaletiʼmo kagaikamo alika aneʼaifiʼmo heka kateʼnane. Kagaika gekaletiʼmo kalavusi huka kateʼnane.