Mai'naya kavane 18:6 - The Keyagana NT and 25 OT books

⁶ Negi vekamoʼmo alu vayaʼmo ge vaisaya gemo nehiye. Ge vaisaya gemo nehigeʼapaeʼmo vayaʼmogimo ani gemo afiteʼapaeʼmo amagigefeʼmo nehae.

Mai'naya kavane 18:6 ပူးပေါင်းရင်းမြစ်များ

Mai'naya kavane 12:16

Negi vekamoʼmo malage huno aipamo leno neʼapateyaʼmonanafa alagepa kavaʼmo hisiyafeʼmo ageʼniya vekamoʼmo huʼa faipa huʼa atesaya geeʼmo agesamo noʼafiye.

Mai'naya kavane 13:10

Apakiʼapileʼmo aliʼa asaga huʼa neʼataya kavapatiʼmo ge nehapaya kavaʼmo afole neʼaiyaʼmonanafa aliʼa api aiʼa apatesayafeʼmo nehaya gemo neʼafiya vayaʼmogi afiteʼa ageʼnaya vayaʼmo maiʼnae.

Mai'naya kavane 14:16

Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 14:3

Negi nagi vekamoʼmo himuʼnamu gemo nehiya geletiʼmo kayoʼmo aligiyaʼmonanafa afiteʼa ageʼnaya vayaʼmogi nehaya geletiʼmo apakaiʼapileʼmo yagaiʼa apategae.

Mai'naya kavane 17:14

Mago vekamoʼmo aniʼmo eno haine neʼeya kateʼmo aeno akani maleʼniya mopamo alino atalesigenoʼaeʼmo aniʼmo uno nelamisigenoʼaeʼmo halate aeno oʼakanisiya kava huno mago vekamoʼmo kavetamo alino aepa nefaiye. Nefaiyaʼmofeʼmo kavetamo aliʼa aepa faiʼa osisayafeʼmo apaipamo alitapa falu hiyo.

Mai'naya kavane 19:19

Vayaʼmogi lusi kava huno aipamo neleya vekamo kayoʼmo amigae. Kagaemo mago afinaʼmo ha maeʼnisanaʼmoʼmo halate magoʼe huka ha maesana afinaʼmo afole aino.

Mai'naya kavane 19:29

Himuʼnamu kavaʼmo nehaya vayaʼmo agoti huʼa apategae. Negi vayaʼmo kayoʼmo apamigae.

Mai'naya kavane 20:3

Muki negi vayaʼmogimo ge vaisaya kavaʼmo aliʼa he tiʼa ategayaʼmonanafa ge vaisaya kavaʼmo aliʼa hano huʼa atalesaya vayaʼmogi ala apakimo aligae.

Mai'naya kavane 22:10

Himuʼnamu kavaʼmo nehiya vekamo alita ha faitapa atalesayaʼmoʼmo ge neʼvaiya kavaʼmo hano hugiye. He, kaveta nehaya kavaʼe huʼa faipa huʼa neʼapataya geʼeʼmo hano hugiye.

Mai'naya kavane 25:24

Nokatoʼmuleʼmo maisana kavaʼmoʼmo nopiʼmo maiʼneno ge neʼvaiya a kanoʼeʼmo magokepi lokaeʼa maiʼnaya kavaʼmo ago aeno aga seʼniye.

Mai'naya kavane 27:3

Yafaʼmoʼa lusi kava huno kana nehiya yaʼmo hanege kahaepamoʼmo lusi kava huno kana nehiya yaʼmo hanege huʼniyaʼmonanafa negi vekamoʼmo aipamo neleya kavaʼmoʼa magoʼe huno lusi kava huno kana nehiya yakana huno haneʼniye.

Mai'naya kavane 29:9

Afiteno ageʼniya vekamoʼmo negi vekamo agoti huno atesiyaʼmoʼmo negi vekamoʼmo aipamo lege kigi huge huno faipa huno atege hisigeʼanaeʼmo anaipamo falu osugiye.