Mai'naya kavane 18:4 - The Keyagana NT and 25 OT books

⁴ Vayaʼmogi nehaya geʼapimoʼmo ani kotuʼmo vasilonagana huno haneʼniye. Afiteʼa ageʼnaya kavaʼmoʼa meti aniʼmo eno haineno uno nelamiya anikana huno haneʼniye.

Mai'naya kavane 18:4 ပူးပေါင်းရင်းမြစ်များ

Samu 78:2

Akeyaʼvilaga kavafeʼmo aeʼna kalafefa gemo huteʼna aepaʼamo lapa paiguve.

Mai'naya kavane 10:11

Fatago vayaʼai geʼapimoʼmo afaʼa maisaya yaʼmo alino neʼapamiya anikana huno haneʼniyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 13:14

Afiteʼa ageʼnaya vayaʼai keʼaepa geʼapimoʼmo afaʼa maisaya yaʼmo alino neʼapamiya meti anikana huno haneʼniye. Ani geletiʼmo nefaliya kavaʼmo aneʼaifatiʼmo faiʼa kasalo paegae.

Mai'naya kavane 16:22

Afino aeto nehiya kavaʼamo aliʼniya vekalefeʼmo afaʼa neʼmaiya yaʼmo neʼapamiya meti anikana huno maiʼniyaʼmonanafa negi vayaʼmogi negi kavaʼapiletiʼmo kayoʼmo neʼapamiye.

Mai'naya kavane 18:3

Hosu vayaʼmo afole neʼaigenoʼaeʼmo ani agufa vayaʼmo maiʼnae, huʼa nehaya geʼeʼmo afole neʼaiye. Apakaemo huʼa faipa huʼa neʼapatagenoʼaeʼmo apavagage nehiya kavaʼmo afole neʼaiye.

Mai'naya kavane 20:5

Vayaʼmogimo apaipafiʼmo apakesamo neʼafiya yaʼapimo yatala ani keli kotukana huno haneʼniyaʼmonanafa afino aeto nehiya vekamoʼmo halaulino haineno afole yateʼmo malegaiye.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Kolosi 4:6

Haga gemo nehane, huʼa hisayafeʼmo ge hugefeʼmo alagepa geʼageʼmo hiyo. Geʼapileʼmo aeta atagaina hutapa hapa paisayafeʼmo alagepa huta lapakesamo afitetapa hapa paiyo.