Mai'naya kavane 18:23 - The Keyagana NT and 25 OT books

²³ Kagemi yaʼamo ohaneʼniya vekamoʼmo vase gemo huno aukaya nehiyaʼmonanafa kagemi yaʼamo haneʼniya vekamoʼmo geʼapileʼmo aeno atagaina huno ge hugefeʼmo lokiya gefatiʼmo nehiye.

Mai'naya kavane 18:23 ပူးပေါင်းရင်းမြစ်များ

Aepa Gemae 42:30

Apakaemo huʼapaeʼmo, Isipi kote neʼyagaiya vekamoʼmo lokiya gefatiʼmo hunoʼaeʼmo, Lapakaemo lamasa huta lagesayafeʼmo eʼnae, huno huʼnigetaeʼmo

Aepa Gemae 42:7

Yosefeʼa nepuʼamogimo ago apakeʼniyaʼmonanafa oʼapakeʼnegekana huno maiʼneno alu vekagana huno lokiya gefatiʼmo huʼniye. Agaemo hunoʼaeʼmo, Lapakaemo haiya kotegatiʼmo eʼnae, huno ge huno apafi geʼnigeʼapaeʼmo, Kenani kotegatiʼmo viti miya faisunafeʼmo eʼnone, huʼa ha paiʼnae.

Hatu maeno apate'niya gemae 5:2

Feloʼa hunoʼaeʼmo, Ala kava neʼmo ina laʼmo maiʼninageʼnaeʼmo nagaemo geʼamo afiteʼna Isaleli vayaʼmo apatalesugeʼa ugae. Nagaemo Ala kava neʼmo oʼageʼnovaʼmofeʼmo afaʼa apatalesugeʼa oʼugae, huno hana paiʼnigeʼanaeʼmo

Mai'naya kavane 19:7

Kagemi yaʼamo ohaneʼniya vekaeʼmo konagaʼamogimo nohapaiye. Ao vayaʼmogimo ataleʼa uʼnae. Agaemo apakaefeʼmo ge nehiyaʼmonanafa noʼafiye.

Mai'naya kavane 22:7

Kagemi yaʼapimo haneʼniya vayaʼmogimo kagemi yaʼapimo ohaneʼniya vayaʼaiteʼmo yagaiʼa neʼapatae. Anonaʼapimo haneʼniya vayaʼmogimo anonamo apamiʼnaya vayaʼai aliʼyaʼapimo neʼaliya vayaʼmo maiʼnae.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Matiyu 5:3

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Yemisi 2:3

Kagemi yaʼaʼe vekaeʼmo hao ke hetetapaeʼmo, alagepa siyateʼmo haikeka fai maiyo, hutapa ha paitetapaeʼmo kagemi yaʼamo ohaneʼniya vekaeʼmo, afaʼa maiyo, hutapa ha paisafi, haikeka laiyafiʼmo itopale maiyo, hutapa ha paisafi hosu lapakesamo afitetapa alita fako hutapa neʼanatae.

Yemisi 2:6

Lekana paimo apateʼniyaʼmonanafa lapakaemo kagemi yaʼapimo ohaneʼniya vayaʼmo alita afepi apateʼnae. Kagemi yaʼapiʼe vayaʼmogi kana yaʼmo aliʼa lapamige agoti huʼa lapatege nosafiye. Haʼao, agoti huʼa nelapatae.

Luti 2:7

Netepiʼmo eno nagaefeʼmo hunoʼaeʼmo, Aliʼyaʼmo neʼaliya vayaʼmo apakame huʼna mali avoyamo alime alime ugesuve, huno ge huno nafi geʼnigeʼnaeʼmo he, huʼna ha paiʼnogeno aliʼyaʼmo alime alime eno hemenitomo uluna nopiʼmo maino falu huʼniye, huno ha paiʼniye.

1 Samiyo 2:36

Henagaʼamo muki kagae nofi vayaʼmogimo agaetegamo eʼa ape huʼneʼa aise moniʼe aise neʼyaʼeʼmo alisayafeʼmo ge huʼa afigegae. Ge huʼapaeʼmo, Kahaoke hove. Aise neʼyaʼmo nesuva aliʼyaʼmo alisuvafeʼmo mono huʼna apatesuva aliʼyateʼmo navaleka nato, huʼa ge huʼa afigegae.

1 Samiyo 25:10

Nemoʼmo Nevini aliʼyaʼamo neʼaliya vayaʼai geʼapileʼmo ina ge huno aeno atagaina huno hapa painoʼaeʼmo, Neviniʼmo ina laʼae. Yesi mafaʼnemo ina laʼae. Hemenimo asole aliʼyaʼmo neʼaliya vayaʼmo yagaiʼa neʼapataya vayaʼaitegatiʼmo apataleʼa apaune nehae.

1 Samiyo 25:17

Aliʼyaʼmo afoʼamoʼmo himuʼnamo vekamo ge noʼafiya vekamo maiʼniyaʼmofeʼmo Neviniʼe vayaʼaʼeʼmo eʼa lagaemo ala vekatiʼe muki afamo anagaʼaʼeʼmo aliʼa hosu huʼa apategae. Kagaemo alagepa huka kagesamo afitekaeʼmo afole aisiya hanagekeyaʼmo atafauka ato, huno ha paiʼniye.