Mai'naya kavane 18:10 - The Keyagana NT and 25 OT books

¹⁰ Ala kava neʼmo agiʼamoʼmo yatala noʼmo kokuʼnapiʼmo uno haiʼniya lokiya nokana huno haneʼniye. Fatago vayaʼmogimo ani nopiʼmo nagu nagu huʼa uʼa haiʼa alagepa huʼa maigae.

Mai'naya kavane 18:10 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 32:11

Nagaemo nunumuʼmo huʼnaeʼmo nepuʼnimoʼmo Isofeʼmo koli nehuvanagi ayapatiʼmo nagufamo alika katika natesanafeʼmo yagaika nato. Fiku yanageno enoʼaeʼmo nagaeʼe afamo anagaʼniʼeʼmo kamemo lahaegaiye.

Samu 18:2

Ala kava neʼmo yafaʼnimo maige avaʼe note lafi kegiʼyaʼnimo maige nagufamo alino katino neʼnateya vekaʼnimo maige huʼniye. Gotiʼnimoʼmo yafakana huno maiʼniyanageʼna aliʼna amufa amiguve. Agaemo haleguʼnimo maige kokuʼnapi uno haiʼniya nokana huno maige huʼneno yagaino nateʼnigeʼna alagepa huʼna maiʼnove.

Samu 20:2

Agaemo noʼafiʼmo Saiyoni taonifatiʼmo kaha maeteno lokiya vaino kateno.

Samu 27:1

Ala kava neʼmo ha le yaʼnimo aepa vekamo maiʼneno nagufamo alino katino neʼnateya vekamo maiʼniyaʼmofeʼmo ina lagifeʼmo koli huguve. Ala kava neʼmo himamuʼnimo aepa vekamo maiʼniyaʼmofeʼmo ina lagifeʼmo atete huguve.

Samu 91:14

Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.

Samu 91:2

Nagaemo Ala kava nefeʼmo huʼnaeʼmo, agaepiʼmo fala kiʼna maiʼnogeno faino vego huno yagaino nateʼneno naha maeno nagufamo alino katino nateʼniya vekaʼnimo maiʼniye. Gotiʼnimoʼmo maiʼniyanageʼna aliʼna amufa amiguve.

Hatu maeno apate'niya gemae 6:3

Nagaemo Emalehamutegagi Aisakitegagi Yekoputegagi huʼna afole aiʼnogeʼa nageteʼapaeʼmo lokiyaʼamo haneʼniya Gotiʼa maiʼniye, huʼa nageʼnayaʼmonanafa nagiʼnimo Yihovaʼnaʼmae huʼa oʼafiʼnae.

Mai'naya kavane 14:26

Ala kava nefeʼmo koli nehiya vekamoʼmo alagi naha maegaiye, huno magoke agesamo afigiye. Mafaʼne anagaʼaʼeʼmo alagepa huʼa fala kiʼa maisaya yaʼapimo hanegaiye.

Mai'naya kavane 29:25

Vayaʼaifeʼmo koli nehaya kavaʼmoʼmo aneʼaifiʼmo hegekana huno apatafaugiyaʼmonanafa Ala kava neʼmoʼa laha maegaiye, huʼa aliʼa amufa neʼamiya vayaʼmo alagepa huʼa maigae.

Aiyeya 26:4

Yihovaʼmo Ala kava neʼmo lokiya yafakana huno maiʼnigeno muki afinaʼmo lokiyaʼamo hanege hanege huno hanegaiyaʼmofeʼmo Ala kava nefeʼmo muki afinaʼmo alita amufa amiyo.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Hamakaki 3:19

Ala kava neʼmo Gotiʼa lokiyaʼnimo maiʼniye. Agaemo lokiya vaino natesigeno naiyamoʼmo afela afumoʼmo nagu nagu nehiya afumo aiyagana huno haneʼnisigeʼna alopa avefiʼmo uʼna haiʼna umenitata huguve. Ani gemo alino yokemo nehaya vayaʼaiteʼmo yagaiʼniya vekamo amiʼniye. Yokemo hisayafeʼmo neʼamagiʼa nehaya agufa kavaʼmo hisayafeʼmae.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Leveleseni 1:8

Ala kava neʼmoʼa hunoʼaeʼmo, Nagaemo aliʼna aepa fai maleteʼna aliʼna hano huʼna atesuva vekamo maiʼnove. Hogoteʼna maiʼneʼna hemeniʼeʼmo maiʼnovanageʼna henagaʼaʼeʼmo alagi maiguve. Nagaemo muki lokiyaʼniʼe vekamo maiʼnove, huno huʼniye.

1 Samiyo 17:45

Neviniʼa geʼaleʼmo aeno atagaina hunoʼaeʼmo, Kagaemo naipekamo alige hayokamo alige huteka nagaetegamo neʼane. Neʼanaʼmonanafa nagaemo Ala kava neʼmo agiʼaletiʼmo muki lokiyaʼamo haneʼniya Gotiʼa agiʼaletiʼmo Isaleli ami vayaʼmogitaleʼmo yagaino nelateya Goti agiʼaletiʼmo kagaetegamo neʼove. Kagaemo ani Gotifeʼmo huka faipa huka ateteka yagaino nelateya ami vayaʼaifeʼmo lame lame gemo huka laha paiʼnane.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.