Mai'naya kavane 18:1 - The Keyagana NT and 25 OT books

¹ Alu vayaʼmo apataleno uno aoteʼmo neʼmaiya vekamoʼmo agaiʼa kavafekeʼmo agesamo neʼafiye. Alu vayaʼmogi huʼnaya geeʼmo agesamo noʼafiye.

Mai'naya kavane 18:1 ပူးပေါင်းရင်းမြစ်များ

Hatu maeno apate'niya gemae 33:16

Lagaeʼeʼmo magokepi lokaeka oʼvisanaʼmoʼmo haiya kava huʼa lageteʼapaeʼmo, Goti aulagaleʼmo Moseseʼe Goti vayaʼaʼeʼmo fiku hapa maeno neʼapamiya kavaʼamo afaʼa ageʼnaya vayane, huʼa hugae. Kagaemo lagaeʼeʼmo magokepi lokaeka visanaʼmoʼmo nagaeʼe vayakaʼefeʼmo muki ma mopafi vayapatiʼmo apaote nofi vayaʼmo maiʼnae, huʼa lagegae.

Mai'naya kavane 14:10

Vayaʼmogimo apakaiʼapimo apaipafiʼmo kana neʼaliya kavaʼapimo agege apamogaga neʼaiya kavaʼapimo agege nehayaʼmonanafa alu kotega vayaʼaifeʼmo huʼa afole aiʼa hapa opaigae.

Mai'naya kavane 17:14

Mago vekamoʼmo aniʼmo eno haine neʼeya kateʼmo aeno akani maleʼniya mopamo alino atalesigenoʼaeʼmo aniʼmo uno nelamisigenoʼaeʼmo halate aeno oʼakanisiya kava huno mago vekamoʼmo kavetamo alino aepa nefaiye. Nefaiyaʼmofeʼmo kavetamo aliʼa aepa faiʼa osisayafeʼmo apaipamo alitapa falu hiyo.

Mai'naya kavane 20:19

Gemo failitata huno hapa nepaiya vekamoʼmo fala kiʼa nehaya gemo huno afole aino hapa nepaiyaʼmofeʼmo muki geʼamo ha paisanafeʼmo huʼniyanagi agaeʼeʼmo afalu afalugana hutana magokepi lokaetana oʼmaiʼao.

Mai'naya kavane 20:3

Muki negi vayaʼmogimo ge vaisaya kavaʼmo aliʼa he tiʼa ategayaʼmonanafa ge vaisaya kavaʼmo aliʼa hano huʼa atalesaya vayaʼmogi ala apakimo aligae.

Mai'naya kavane 24:21

Mafaʼneʼnimogae, huʼna, Ala kava nefeʼmo koli nehukaeʼmo kini vekaeʼefeʼmo koli huvo. Gamani vayaʼmo hapa faita apatalegaune, huʼa nehaya vayaʼeʼmo magokepi lokaeka oʼmaiyo.

Mai'naya kavane 26:17

Ge neʼvaigenoʼaeʼmo mago vekamo eno folagaʼapimo he tino maiʼniya vekamo agaiʼa yaʼmo ohaneʼniyamofeʼmo kalamo agesaleʼmo atafauʼniya vekagana huno maiʼniye.

Mai'naya kavane 3:21

Mafaʼneʼnimogae, huʼna, afiteka ageʼnana kavateʼmo alagepa huka yagaiyo. Afiteka aliʼyaʼmo neʼalina kavakaleʼmo atafauka alagi huvo.

Mai'naya kavane 8:14

Nagaemo geʼniletiʼmo alagepa huʼna aliʼna ho huʼna neʼapatove. Nagaemo afiteʼna ageʼnove. Nagaemo muki geʼamo afiʼnogeno lokiyaʼnimo haneʼniye.

Matiyu 13:11

Gotiʼa yagaino neʼapateya kavafeʼmo ava gemo aepaʼamo alino fala ki maleʼniya aepaʼamo ago lapamiʼniyaʼmonanafa apakaemo oʼapamiʼniye.

Matiyu 13:44

Gotiʼa vayaʼaiteʼmo yagaino neʼapateya kavaʼmo haneʼniya kava huno mago vekamoʼmo alopa moniʼamo kesifiʼmo maleteno hoyaʼafiʼmo keli kafiteno kesiʼamo ani kelifiʼmo maleteno aeno ati kae maleteno ataleno uʼniye. Uʼnigeno henagaʼamo mago vekamo uno ani hoyafiʼmo aiʼyu aiʼniyategamo ani kesimo ageno avateteno halate aeno ati kae maleteno uno muki kagemi yaʼamo alino maketi huʼnigeʼa miya faiʼnageno monimo aliteno ani mopamo miya faiʼniye. Alisiyafeʼmo lusi kava huno amogaga aiʼniyaʼmofeʼmo muki kagemi yaʼamo ago alino ataleʼniye.

Maki 1:35

Egamo gotigefeʼmo huʼnigenoʼaeʼmo Yesuʼa he tino taonifatiʼmo atalenuno vaya oʼmaiʼnaya haopalegamo nunumuʼmo huʼniye.

Maki 4:11

Gotiʼa yagaino apateʼniya kavafeʼmo ava gemo fala kiʼniya gemo aepaʼamo afisayafeʼmo ago alino lapamiʼniyaʼmonanafa malaga vayaʼaifeʼmo aeʼna kalafefa gefatiʼmo huʼna hapa nepauve.

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

2 Kolitiyani 6:17

Huʼniyaʼmofeʼmo Ala kava neʼmoʼa hunoʼaeʼmo, Apakae folagapatiʼmo apataletapa uta lapaote maiyo. Hosu yateʼmo ame oʼaliʼnigeʼnao lapavalegauve.

Yuti 1:19

Ani kavaʼmo nehaya vayaʼmogimo siosi vayaʼmo aliʼa fako huʼa neʼapatae. Goti Aunemeʼamo oʼaliʼa ma mopafi vayaʼmo maiʼnae.