Mai'naya kavane 17:5 - The Keyagana NT and 25 OT books

⁵ Mago vekamoʼmo kagemi yaʼamo ohaneʼniya vekaeʼmo huno faipa huno neʼatesiyaʼmoʼmo kagemi yaʼamo ohaneʼniya vekamo alo huno ateʼniya vekaʼeʼmo huno faipa huno ateʼniye. Mago vekamoʼmo agesiyana alu vekamoʼmo hanageke yaʼmo alisigeno agetenoʼaeʼmo amogaga aisiyaʼmoʼmo kayoʼmo amisigenoʼaeʼmo faino kasalo opaegaiye.

Mai'naya kavane 17:5 ပူးပေါင်းရင်းမြစ်များ

Samu 69:9

Kagaemo nokamo alagepa huno hanesiyafeʼmo nayamukiki nehuvaʼmofeʼmo noʼnagae. Huʼa faipa huʼa nekataya gemoʼmo nagaeteʼmo asagauno aiʼniye.

Mai'naya kavane 14:21

Mago vekamoʼmo haopaleʼmo maiʼniya vekaeʼmo ina agufa vekamae, huno nehisiyana hosu gemo nehiyaʼmonanafa kagemi yaʼapimo ohaneʼniya vayaʼaifeʼmo hapau huʼa neʼapataya vayaʼmogimo alagepa huʼa neʼmaiyanageʼa afaʼa apamogaga aigae.

Mai'naya kavane 14:31

Mago vekamoʼmo kagemi yaʼapimo ohaneʼniya vayaʼmo alu kana ya alu kana yaʼmo alino apamisiyaʼmoʼmo alo huno ateʼniya vekaeʼmo huno faipa huno neʼateyaʼmonanafa mago vekamoʼmo alo huno ateʼniya vekamo ala agiʼamo amisiyaʼmoʼmo kagemi yaʼapimo ohaneʼniya vayaʼaifeʼmo hau huno apategaiye.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Omataiya 1:10

Lapakaemo konagatapimo Yekopu nofi vayaʼmogi yaʼmo kumayaʼmo alitetapa kamitimo apamagiʼnayaʼmofeʼmo nagaemo aliʼna hano huʼna lapatalesugeʼa muki afinaʼmo lapakitapileʼmo aliʼa afepiʼmo atege atege huʼa maigae.

Omataiya 1:16

Vayaʼnimogimo nagaiʼni naote aveleʼmo lapamiʼnova hanageke yaʼmo atu neheya aniʼmo neʼnaya agufa kavaʼmo huʼa muki nofi vayaʼmogimo muki afinaʼaeʼmo nayapatiʼmo atu neheya aniʼmo nege nege huʼa maigae. Apakaemo ani kapufiʼmo haneʼniya aniʼmo alagi neʼa hano hugae. Neʼa hano huteʼapaeʼmo alagi oʼmaigae.

Lomu 12:15

Apamogaga aisaya vayaʼeʼmo magokepi lapamogaga aiyo. Inagi aviʼyaʼmo hisaya vayaʼeʼmo ani kavaʼmo hutapa magokepi aviʼyaʼmo hiyo.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.