Mai'naya kavane 17:20 - The Keyagana NT and 25 OT books

²⁰ Humi neʼapataya apaipaʼe vayaʼmogimo alagepa huʼa maisaya kavafeʼmo kahauya hugayaʼmonanafa oʼagegae. Ani kavaʼmo huno aigofe gemo nehiya vekamo hosu kavapiʼmo asagauno aigiye.

Mai'naya kavane 17:20 ပူးပေါင်းရင်းမြစ်များ

Samu 18:26

Yaveyave apaipa vayaʼmogi yaveyave Gotigamo kagegae. Kayagi kayaga kavaʼmo nehaya vayaʼaitegamo kayagi kayaga kavaʼmo hugane.

Mai'naya kavane 10:10

Mago vekamo aigofe gemo nehunoʼaeʼmo aulaga fali nekaeya vekamoʼa lusi hanageke kavaʼmo nehiyaʼmonanafa asole afa gemo nehiya vekamoʼa agaiʼamo asagauno aigiye.

Mai'naya kavane 10:14

Afiteʼa neʼagaya vayaʼmogi neʼafiya gemo aliʼa alu aiʼa neʼmalayaʼmonanafa negi vayaʼmogimo geʼapiletiʼmo apakaiʼapimo aliʼa hano huʼa neʼapatae.

Mai'naya kavane 10:31

Fatago vayaʼai apavayafatiʼmo afiteʼa neʼagaya gemo afole neʼaiyaʼmonanafa hosu vayaʼai apavayamo lagauno atalegaiye.

Mai'naya kavane 24:20

Hosu vayaʼmo lamuʼapimo yu hesigeʼapaeʼmo alagepa yaʼapimo afaʼa oʼaligae.

Mai'naya kavane 3:32

Ala kava neʼmoʼa ani agufa hosu vekaeʼmo alagi ohauʼnigeno aino maku huno neʼateyaʼmofeʼmae. Ohauʼniyaʼmonanafa fatago vayaʼaifeʼmo fala kino haneʼniya gemo hapa paiʼniye.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.