Mai'naya kavane 17:19 - The Keyagana NT and 25 OT books

¹⁹ Hosu kavafeʼmo hauʼniya vekamoʼmo kaveta hisaya kavafekeʼmo nehaiye. Alopa kegiʼyamo huteno noʼaleʼmo alopa kipaʼmo nekasageya vekamoʼmo lusi hanageke yaʼmo alisiyafeʼmo kahauya nehiye.

Mai'naya kavane 17:19 ပူးပေါင်းရင်းမြစ်များ

Mai'naya kavane 16:18

Apakiʼapileʼmo aliʼa asaga huʼa neʼataya kavaʼapimo akamelegaʼamo haneʼniyana alino apagoʼya lagauno apatalesiya kavaʼmo afole aigiye. Apakufamo avaleliʼa nehaiya kavaʼmo akamelegaʼamo haneʼniyana asagauʼa aisaya kavaʼmo afole aigiye.

Mai'naya kavane 17:14

Mago vekamoʼmo aniʼmo eno haine neʼeya kateʼmo aeno akani maleʼniya mopamo alino atalesigenoʼaeʼmo aniʼmo uno nelamisigenoʼaeʼmo halate aeno oʼakanisiya kava huno mago vekamoʼmo kavetamo alino aepa nefaiye. Nefaiyaʼmofeʼmo kavetamo aliʼa aepa faiʼa osisayafeʼmo apaipamo alitapa falu hiyo.

Mai'naya kavane 18:12

Mago vekamoʼmo aipafiʼmo agesamo afinoʼaeʼmo, ina agufa vayane, huno agesamo neʼafiya kavaʼaletiʼmo akamelegaʼamo asagauno aisiya kavaʼmo afole aigiyaʼmonanafa mago vekamoʼmo agiʼaleʼmo alino afepi atesiya kavaʼaletiʼmo akamelegaʼamo ala agiʼamo alisiya kavaʼmo afole aigiye.

Mai'naya kavane 24:27

Hogoteka mopafiʼmo aiʼyu aika alika alagepa hu maleʼneka hoyamo hakaleteka henagaʼamo nokamo kiyo.

Mai'naya kavane 29:9

Afiteno ageʼniya vekamoʼmo negi vekamo agoti huno atesiyaʼmoʼmo negi vekamoʼmo aipamo lege kigi huge huno faipa huno atege hisigeʼanaeʼmo anaipamo falu osugiye.

2 Kolitiyani 12:20

Uʼna lapakesuvana oʼnahauʼnisiya kavaʼmo hutapa maiʼnisageʼna lapakesufi huteʼna koli nehuve. Oʼnahauʼnisiya kavaʼmo nehisayana nagaeʼeʼmo olapauʼnisiya kavaʼmo lapakaetegamo huguve. Fiku yanagetapa ge vaige lapaipa kafa hapaege falo gemo huge lapaote lapaote hutapa maige huta faipa hutapa apatege sumi sumi gemo huge lapakufamo avalelitapa haige lapano aege hutapa maiʼnae.

Yemisi 1:20

Na kava nehiyaʼmofeʼmae. Vayaʼmogi apaipamo neleya kavaʼmoʼa Goti fatago kavaʼamo alino afole aino noʼate.