Mai'naya kavane 16:7 - The Keyagana NT and 25 OT books

⁷ Ala kava neʼmoʼa mago vekamo kavafeʼmo haoke nehesiyaʼmoʼmo kame vayaʼaʼeʼmo magokepi lokaeno maisiyafeʼmo apaipamo alino falu hugiye.

Mai'naya kavane 16:7 ပူးပေါင်းရင်းမြစ်များ

Aepa Gemae 27:41

Afoʼamoʼmo Yekopukeʼmo alino auleno ateʼniyaʼmofeʼmo Isoʼmo Yekopufeʼmo lusi kava huno aini huʼniye. Isoʼa aipafiʼmo hunoʼaeʼmo, afoʼnimoʼmo aise afinaʼmo maiteno falisigeta yulagefa aita maita hano nehutaeʼmo Yekopuna kamitimo amagisugeno faligiye, huno huʼniye.

Aepa Gemae 32:28

Inagi ani vekamoʼmo hunoʼaeʼmo, hemenimo Yekopugae kagimo magoʼe huno ohanegaiye. Kagaemo neʼyagaina vekamo maiʼneka Gotiʼeʼmo kayamukiki nananageka vayaʼaina ago aeka apaka seganaʼmofeʼmo saufa kagikamo Isaleligae huʼa aegae. Isaleliʼae agimo aepaʼamo yagaino apateʼniya vekamae.

Aepa Gemae 33:4

Huʼniyaʼmonanafa Isoʼa nagu nagu huno eno anu kiteno haeno neʼnigeʼana aviʼyaʼmo huʼnaʼae.

Esala 8:36

Apakaemo kini vekamoʼa ina kava hiyo, huno kaeʼniya avoʼmo aliteʼapaeʼmo kini vayaʼaiteʼmo yagaiʼa neʼapataya kini vayaʼe Yufaleti aniʼmo mugagayaga faliga koteʼmo gamani yahauve vayaʼeʼmo apamiʼnae. Apamiʼnageʼa ani avopiʼmo ageteʼapaeʼmo aliʼa alagepa huʼa lateteʼa Goti mono no aliʼyaʼamo alisunafeʼmo laha maeʼnae.

Samu 69:31

Ala kava neʼmoʼa ani hisuva kavafeʼmo lusi kava huno amuse hugiye. Pulumakamo amagiʼna amisugenoʼaeʼmo amuse osugiye.

Hatu maeno apate'niya gemae 3:21

Nagaemo lapa maeʼa fikumo lapamisaya agufa apaipa apakesamo Isipi vayaʼmo apamisugeʼa visaya afinaʼmo afaʼa lapatalesagetapa oʼugayaʼmonanafa asole kagemi yaʼmo lapamisagetapa alinitapa ugae.

Mai'naya kavane 16:8

Fatago kavaʼmo nehunoʼaeʼmo aiseʼamo aliʼniya vekamoʼmo fatago kavaʼmo nosiya vekamoʼmo alopa yaʼmo aliʼniya vekamo ago aeno aga seʼniye.

Mai'naya kavane 3:17

Ani a kanomo neʼviya kaʼmo kanale kaʼmo haneʼniyanageʼa visaya vayaʼmo apamogaga aigae. Muki kaʼaleʼmo visaya vayaʼmogi apaipamoʼmo falu hugiye.

Neniyo 1:9

Gotiʼa Neniyoʼmo ha maeʼnigeno meku vayaʼaiteʼmo yagaiʼniya vekamoʼmo Neniyofeʼmo alagepa huno hauʼnigeno ha maesiya kavaʼmo huʼniye.

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.

Filipai 4:18

Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Kolosi 3:20

Mafaʼnemogitapae, huʼna, muki kavatefeʼmo itatapi afotapimogi geʼapimo afisagenoʼaeʼmo Ala kava neʼmoʼa lusi kava huno amuse huno lapategaiyaʼmofeʼmo ani kavaʼmo hiyo.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

1 Pita 3:13

Lapakaemo alagepa kavaʼmo hisayafeʼmo lapayamukiki nehisageʼapaeʼmo ina lagimo lapakaetegamo hosu kavaʼmo hugae.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.