Mai'naya kavane 16:32 - The Keyagana NT and 25 OT books

³² Malage huno aipamo noleya vekamoʼmo lokiya vekamo ago aeno aga seʼniye. Ani kavaʼmo huno aipa agesaleʼmo alagepa huno yagaino neʼateya vekamoʼmo lokiya vaino kamemo huno aeno apaka seno taonimo aliʼniya vekamo ago aeno agaseʼniye.

Mai'naya kavane 16:32 ပူးပေါင်းရင်းမြစ်များ

2 Kini 5:12

Namasakasi kotega Emana aniʼmoʼe Fapa aniʼmoʼeʼmo muki Isaleli kotega aniʼmo ago aeno aga seʼniye. Nagaemo ani lole anitalapiʼmo aniʼmo faleteʼna alagepa huʼna oʼmaigufiye, huno huteno lusi kava huno aipamo leʼnigeno ataleno uʼniye.

Samu 103:8

Ala kava neʼmoʼa hau huno apatege fiku hapa maeno apamige vase vase huno aipamo leno apatege lusi kava huno hau ayamopafiʼmo hauge nehiye.

Mai'naya kavane 14:29

Malage huno apaipamo noleya vayaʼmogi afiʼa aeto nehayaʼmonanafa malage huno apaipamo neleya vayaʼmogi negi nagi kavaʼmo agiʼaleʼmo aliʼa asaga huʼa neʼatae.

Mai'naya kavane 15:18

Malage huno aipamo neleya vekamoʼmo kaveta hisaya agufa kavaʼmo alino afole aino neʼateyaʼmonanafa vase huno aipamo neleya vekamoʼmo apaipamoʼmo falu hisiya agufa kavaʼmo alino afole aino neʼate.

Mai'naya kavane 16:19

Ina agufa vekamo maiʼnove, huno huteno ani agufa vayaʼeʼmo magokepi lokaeno neʼmaiya vekamoʼmo magoʼe huno alagepa huno maigiyaʼmonanafa apakiʼapileʼmo aliʼa asaga huʼa neʼataya vayaʼeʼmo magokepi lokaeno maiʼneno kumaya aliʼnaya kagemi yaʼmo aliʼa fako huʼa aliʼnaya kagemi yapatiʼmo alisiya vekamo alagepa huno oʼmaigiye.

Mai'naya kavane 16:31

Kosuna vekamoʼmo fatago kavaʼmo nehisiyaʼmoʼmo lui ayokamoʼa ha le konali kini kakolitagana huno haneʼniye.

Mai'naya kavane 16:33

Vayaʼmogimo mago hisaya kavaʼmo alino apave lisiyafeʼmo yafatetiʼmofi yosaletiʼmofi pepaletiʼmofi huʼa nehagenoʼaeʼmo Ala kava neʼmoʼa na agufa kavaʼmo afole aigifi huno alino apave neliye.

Mai'naya kavane 19:11

Afiteno ageʼniya vekamoʼmo malage huno aipamo olegaiye. Ala agiʼamo haneʼniya kavaʼmo haneʼniyana agaetegamo hosu kavaʼmo hisaya vayaʼmo afaʼa apakeno apatalegaiye.

Mai'naya kavane 25:15

Vayaʼmogimo falu fala gemo huteʼa oʼatalesayana kini vekamoʼmo ani gemo henagaʼamo afigiye. Falumo hisaya gemoʼmo apayamufamo aino lo aegaiye.

Mai'naya kavane 25:28

Ati vayaʼmogi uʼa yafa kegiʼyamo aeʼa halagape vaiʼnaya taonimo haneʼniya kava huʼa hapauʼniya kavateʼmo alagepa huʼa noʼyagaiya vayaʼmo maiʼnae.

Lomu 12:21

Fikumo yanageno hosu kavaʼapimoʼa aeno lapakasegaiyanagi alagepa kavatapiletiʼmo hosu kavaʼapimo aeta agaseyo.

Efasasi 5:1

Lapakaemo Gotiʼa hau ayamopafiʼmo nehaiya mafaʼneʼamo maiʼnayaʼmofeʼmo agaekana huta maiʼnetapa nehiya agufa kavaʼmo hiyo.

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.