Mai'naya kavane 16:21 - The Keyagana NT and 25 OT books

²¹ Vayaʼmogimo afiteʼa ageʼnaya vayaʼaifeʼmo apava gemo huʼapaeʼmo, alagepa kavaʼmo hisayafeʼmo ageʼnae, huʼa nehae. Mago vekamoʼmo alagepa gemo alino apaya malesigeʼapaeʼmo afiteʼa agegae.

Mai'naya kavane 16:21 ပူးပေါင်းရင်းမြစ်များ

Samu 45:2

Kagaemo aeto agufa kanale vekamo maiʼneka muki vayaʼmo alagi aeka apakaseka maiʼnane. Gotiʼa fiku hapa maeno neʼapamiya gemo kavayafiʼmo maleʼnigeka ani gemo nehane. Gotiʼa muki afinaʼmo alino auleno neʼateyaʼmofeʼmae.

Mai'naya kavane 10:13

Afiʼa aeto nehaya vayaʼmogi afiteʼa neʼagaya gemo nehayaʼmonanafa apakesamo ohaneʼniya vayaʼaina kayoʼmo apamigae.

Mai'naya kavane 10:23

Negi nagi vayaʼmogimo hosu kavaʼmo nehaya kavaʼmo yokalo legekana huʼa apamogaga neʼaiyaʼmonanafa afino aeto nehiya vekamoʼmo afiteno neʼage.

Mai'naya kavane 10:8

Afiteno neʼageya vekamoʼa huvo, huʼa nehaya gemo akame nehiyaʼmonanafa asole afa gemo nehiya vekamo asagauno aigiye.

Mai'naya kavane 15:7

Afiteʼa ageʼnaya vayaʼmogimo afiʼa aeto hisaya agufa gemo hapa nepaiyaʼmonanafa negi vayaʼmogimo ani agufa gemo nosae.

Mai'naya kavane 16:22

Afino aeto nehiya kavaʼamo aliʼniya vekalefeʼmo afaʼa neʼmaiya yaʼmo neʼapamiya meti anikana huno maiʼniyaʼmonanafa negi vayaʼmogi negi kavaʼapiletiʼmo kayoʼmo neʼapamiye.

Mai'naya kavane 23:15

Mafaʼneʼnimogae, huʼna, afiteka agesana kaipa kagesamo alisanana naipamoʼmo amogaga aigiye.

Mai'naya kavane 27:9

Alagepa atumo neʼaiʼa yatalaʼmo galisiʼe uveliʼefeʼmo amuse nehuna kava huta lao vayaʼeʼmo alagepa huno laha maesiya geeʼmo amuse nehune.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Luki 4:22

muki vayaʼmogimo fiku hapa maeno neʼapamiya gemo avayafatiʼmo huʼnigeʼa afiteʼapaeʼmo hapau aiteʼapaeʼmo, Yosefe mafaʼnemo oʼmaiʼnifi, huʼa huʼnae.

Yoni 7:46

ani vekamoʼa aeto agufa gemo huʼniya agufa gemo muki vayaʼmogimo nosae, huʼa hapa paiʼnageʼapaeʼmo

Lomu 16:19

Muki vayaʼmogimo lapakaemo alagepa hutapa gemo afitetapa akame nehaya kavafeʼmo lapava gemo ago afiʼnayaʼmofeʼmo namogaga aiʼna nelapatove. Afiʼnayaʼmonanafa lapakaemo alagepa kavaʼmo hisayafeʼmo afiʼnaya lapaipa lapakesamo alisayafekeʼmo nahauʼniyaʼmonanafa hosu kavaʼmo osisayafeʼmo oʼafiʼnaya vayakana hutapa maisayafeʼmo nahauʼniye.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.