Mai'naya kavane 16:20 - The Keyagana NT and 25 OT books

²⁰ Goti gemo afiteno akame nehiya vekamoʼmo alagepa huno maigiye. Ina kava huno Ala kava neʼmoʼa naha maegaiye, huno alino amufa neʼamiya vekamoʼmo afaʼa amogaga aigiye.

Mai'naya kavane 16:20 ပူးပေါင်းရင်းမြစ်များ

Samu 125:1

Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 146:5

Mago vekamoʼmo hunoʼaeʼmo, Yekopu Gotiʼamoʼmo naha maegaiye, huno agesamo neʼafiya vekamoʼmo amogaga neʼaiya vekamae. Agaemo Ala kava neʼmo Gotiʼamofeʼmo alino amufa amiʼniyaʼmofeʼmo amogaga neʼaiye.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 32:10

Hosu vayaʼmo lusi kava huʼa kana yaʼmo aligayaʼmonanafa Ala kava nefeʼmo aliʼa amufa amiʼnaya vayaʼaifeʼmo hau huno neʼapateya kavaʼamoʼmo yagaino vego huno apategaiye.

Samu 34:8

Ala kava neʼmo kanale vekamo maiʼniye hutapa agesayafeʼmo ageyo. Ala kava nepiʼmo fala kiʼa neʼmaiya vayaʼmo aulena vayaʼmo maiʼnae.

Mai'naya kavane 13:13

Ina lagimo Goti geʼaeʼmo, afaʼa ina agufa gemo haneʼniye, huʼa apakesamo neʼafisafigeno alino apagoʼyamo lagauno apatalegaiyaʼmonanafa geʼaeʼmo koli nehaya vayaʼmogimo miyaʼapimo aligae.

Mai'naya kavane 13:15

Alagepa huʼa afiʼa aeto nehaya vayaʼaifeʼmo hapaoke hegaiyaʼmonanafa gemo amagiʼa neʼatalaya vayaʼmogi kaʼmo apakafu kisiya kaʼmo haneʼniye.

Mai'naya kavane 17:2

Afiteno ageʼneno aliʼyaʼmo neʼaliya vekamoʼmo apavagage yaʼmo alino apamisiya mafaʼneleʼmo yagaino ategaiye. Konagaʼamogimo afoʼapimo kagemi yaʼmo aliʼa fako huʼa alisagenoʼaeʼmo agaeʼeʼmo afaʼa aligiye.

Mai'naya kavane 19:8

Afiteno ageʼniya yaʼmo aliʼniya vekamoʼmo agupi mafaʼneeʼmo nehaiye. Afino aeto huʼniya yaʼmo oʼataleno aliʼnisiya vekamoʼmo alagepa huno maigiye.

Mai'naya kavane 8:35

Kahauya huʼa neʼnagaya vayaʼmo afaʼa maisaya yaʼmo aligae. Apakaemo Ala kava neʼmoʼa fikumo hapa maeno apamisigeʼa aligae.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neniyo 6:23

Kini vekamo lusi kava huno amogaga aiteno vayaʼaifeʼmo ge huʼnigeʼa laiyonimogi kelifatiʼmo avayu huliʼa hai eʼnae. Neniyoʼa Gotiʼamofeʼmo agesamo afino fatago huʼniyaʼmofeʼmo ageʼnayana mago agufa hanageke yaʼmo alagi oʼaliʼniye.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.