Mai'naya kavane 16:18 - The Keyagana NT and 25 OT books

¹⁸ Apakiʼapileʼmo aliʼa asaga huʼa neʼataya kavaʼapimo akamelegaʼamo haneʼniyana alino apagoʼya lagauno apatalesiya kavaʼmo afole aigiye. Apakufamo avaleliʼa nehaiya kavaʼmo akamelegaʼamo haneʼniyana asagauʼa aisaya kavaʼmo afole aigiye.

Mai'naya kavane 16:18 ပူးပေါင်းရင်းမြစ်များ

Esata 3:5

Hemaniʼa Motekaiʼmo ageyana agaetefeʼmo ape huteno ala agiʼamo oʼamiʼnigeno agetenoʼaeʼmo lusi kava huno aipamo leʼniye.

Esata 6:6

Inagi Hemaniʼa eno haineʼnigenoʼaeʼmo kini vekamoʼmo, Afiyo, huno, mago vekamo maiʼniyanageʼna nagaemo ala agimo amiguvaʼmonanafa nagaemo agaetegamo na agufa alagepa kavaʼmo huguve, huno afi geʼnigenoʼaeʼmo Hemaniʼa aipafiʼmo agesamo afinoʼaeʼmo, kini vekamoʼmo ani kavaʼmo ina lategamo hisiyafeʼmo ani gemo huʼniye. Mago vayaʼmo oʼmaiʼnafa nagaekeʼmo maiʼnove, huno agesamo afiʼniye.

Esata 7:10

Inagi Hemaniʼa Motekaiʼmo faligiye, huno alo huno ateʼniya yatala posi yosaleʼmo aneʼmu aeʼa asaiʼnae. Ani kavaʼmo huʼnagenoʼaeʼmo kini vekamoʼmo aipamo leʼniya kavaʼamo hano huʼniye.

Mai'naya kavane 11:2

Vayaʼmogimo apakiʼapileʼmo aliʼa asaga huʼa atesayana apavagage hugiyaʼmonanafa apakiʼapileʼmo aliʼa afepi neʼataya vayaʼmogimo afiteʼa neʼagae.

Mai'naya kavane 17:19

Hosu kavafeʼmo hauʼniya vekamoʼmo kaveta hisaya kavafekeʼmo nehaiye. Alopa kegiʼyamo huteno noʼaleʼmo alopa kipaʼmo nekasageya vekamoʼmo lusi hanageke yaʼmo alisiyafeʼmo kahauya nehiye.

Mai'naya kavane 18:12

Mago vekamoʼmo aipafiʼmo agesamo afinoʼaeʼmo, ina agufa vayane, huno agesamo neʼafiya kavaʼaletiʼmo akamelegaʼamo asagauno aisiya kavaʼmo afole aigiyaʼmonanafa mago vekamoʼmo agiʼaleʼmo alino afepi atesiya kavaʼaletiʼmo akamelegaʼamo ala agiʼamo alisiya kavaʼmo afole aigiye.

Mai'naya kavane 29:23

Mago vekamoʼmo agaiʼaeʼmo amogaga neʼaisiyana agiʼaleʼmo aliʼa afepi ategayaʼmonanafa ina agufa vekamo maiʼnove, huno agesamo neʼafiya vekamo ala agiʼamo hano osuno afaʼa hanegaiye.

Mai'naya kavane 8:13

Ala kava nefeʼmo koli nehaya kavaʼmoʼa hosu kavafeʼmo nohapaiya kavaʼmae. Nagaemo ala apaki alisayafe hisaya kavanagi vayaʼmo aliʼa afepi apatesayafe hisaya kavanagi hosu kateʼmo neʼvaya kavanagi aigofe nehaya geʼenagi alagi huno oʼnahaiye.

Neniyo 11:12

Agaemo kalavusi huno apateteno apavalelino neʼunoʼaeʼmo agaiʼa agufamo alino asagauno ategaiye. Agaemo asole tauseniʼa ati vayaʼmo kamitimo hapaegiyaʼmonanafa afaʼa aise afinaʼmo hogote vekamo maigiye.

Neniyo 5:22

Kagaemo Melisasagae, huʼna, mafaʼneʼamo maiʼnananageka agaete afole aiʼniya kavaʼmo ago ageʼnanaʼmonanafa kagaemo kagaikamo alika afepi okateʼnane.

Neniyo 5:24

Agiʼaleʼmo alika asaga huka oʼateʼnanagenoʼaeʼmo Gotiʼa mago vekamo ayaʼmo alino ateʼnigeno emineno ani gemo avoʼmo kaeʼniye.

Matiyu 26:74

Pitaʼa hunoʼaeʼmo, lama gemo nosisuvana Gotiʼa lifana huno nategaiye. Anagatiʼmo alagi lama gemo nehuve, huno, oʼageʼnova vekae, huno hapa nepaigenoʼaeʼmo kokolemoʼmo age aiʼnigenoʼaeʼmo

Luki 14:9

lanakaefeʼmo ge huʼniya vekamoʼmo eno kaha painoʼaeʼmo, he tika ugenoʼao ani vekamo maino, huno hisigekaeʼmo lusi kava huno kavagage hisigeka uka lamika henaga siyateʼmo fai maigane.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

1 Timoti 3:6

Saufamo Goti mafaʼnemo hamaleʼnisiya vekamoʼmo vayatama vekamo oʼmaigiye. Sataniʼa himuʼnamu agesamo afiʼnigenoʼaeʼmo Gotiʼa hunoʼaeʼmo, hosu kagesamo afiʼnane, huno huʼniya agufa gemo huno saufamo agesamo afino fatago huʼnisiya Goti mafaʼnemoʼmo agufamo avalelino nehaisigenoʼaeʼmo Gotiʼa, hosu kavaʼmo huʼnane, huno hugiye.

1 Samiyo 17:42

Agaemo Nevini haopaletiʼmo eno ageyana Neviniʼa neya vekamo alagepa augosaʼe vekamo maiʼnigeno agetenoʼaeʼmo, ina agufa neya kanomo maiʼniye.