Mai'naya kavane 16:14 - The Keyagana NT and 25 OT books

¹⁴ Kini vekamoʼmo mago vekaeʼmo aipamo leno atesiyaʼmoʼmo ani vekamo kamitimo amagisigeno faligiyaʼmonanafa afiteno ageʼniya vekamoʼmo kini vekamo aipamo huno falu hugiye.

Mai'naya kavane 16:14 ပူးပေါင်းရင်းမြစ်များ

Aepa Gemae 40:2

Kini vekamo Feloʼa aliʼyaʼaleʼmo neʼyagaiʼa vekalaʼanifeʼmo aipa leno anateteno Yosefeʼa kalavusi huno ateʼniya nopiʼmo

Esata 7:7

Kini vekamoʼmo Esataʼmo huʼniya gemo afitenoʼaeʼmo lusi kava huno aipamo leʼnigeno neʼyaʼmo oʼneno ataleno he tino kumatega uno lamiteno noʼaleʼmo haneʼniya hoyafiʼmo lamiʼniye. Hemaniʼmo agesa afinoʼaeʼmo, kini vekamoʼmo ago kamitimo namagigiye, huno agesamo afitenoʼaeʼmo Esatafeʼmo afi gesigeno kini vekamoʼmo oʼamagino ha maesiyafeʼmo nopiʼmo maiʼniye.

Mai'naya kavane 15:18

Malage huno aipamo neleya vekamoʼmo kaveta hisaya agufa kavaʼmo alino afole aino neʼateyaʼmonanafa vase huno aipamo neleya vekamoʼmo apaipamoʼmo falu hisiya agufa kavaʼmo alino afole aino neʼate.

Mai'naya kavane 16:13

Kini vayaʼmogimo fatago gemo nehaya vayaʼaifeʼmo apamogaga neʼaiye. Apakaemo alagepa gemo nehaya vayaʼaifekeʼmo nehapaiye.

Mai'naya kavane 16:15

Kini vekamo alagepa augosamo kaliʼneno apakesiyaʼmoʼmo afaʼa maigae. Amuse huno neʼapateya kavaʼmoʼa mago avina yaʼmo nehakalaya afinaʼmo hiyaʼmoʼa koʼmo avalelino neʼeya kavakana huno haneʼniye.

Mai'naya kavane 17:11

Hosu vekamoʼmo apaiyafiʼmo maiʼneno geʼapimo oʼafino amagino neʼataleyaʼmofeʼmo Gotiʼa eminenoʼaeʼmo hau huno oʼatesiya vekamo agaetegamo alino atesigeno ugiye.

Mai'naya kavane 19:12

Kini vekamoʼmo aipamo neleya kavaʼamoʼmo laiyonimoʼmo alopa gefatiʼmo age neʼaiya agufa kava huno haneʼniye. Kini vekamoʼmo hapaoke neheya kavaʼamoʼmo kahauleʼmo lao yaʼmo emineʼniya yakana huno haneʼniye.

Mai'naya kavane 20:2

Kini vekamoʼmo aipamo neleya kavaʼmoʼa laiyonimoʼmo alopa gefatiʼmo age neʼaiya gegana huno haneʼniye. Aipamo leno apatesiya agufa kavaʼmo hisaya vayaʼmo apakaiʼapigeʼmo aliʼa hosu huʼa apategae.

Mai'naya kavane 29:26

Asole vayaʼmogimo yagaino neʼapateya vekaeʼmo hapa maesiyafeʼmo ge huʼa afi nekayaʼmonanafa Ala kava neʼmoʼa agaiʼageʼmo alagepa huno hapa maeteno alino fako huno neʼapate.

Mai'naya kavane 29:8

Himuʼnamu gemo nehaya vayaʼmogimo apaipamo neleya kavaʼmo aliʼa he tiʼa neʼateyaʼmonanafa afiteʼa ageʼnaya vayaʼmogi Gotiʼa aipamo neleya kavaʼmo aliʼa aiʼa afe leʼa neʼatalae.

Neniyo 2:16

Neniyoʼa ani gemo afitenoʼaeʼmo kini vekalegamo uno ha painoʼaeʼmo, Mago afinaʼmo nagava maiʼnegeʼnao alagamuna gemo aepaʼamo kaha paiguve, huno ha paiʼniye.

Maki 6:27

Kini vekamoʼmo malage huno ati vekaeʼmo hunoʼaeʼmo, uka lugoʼamo heka hatagauka agenopaʼamo yuvapafiʼmo alika maleka alinika eno, huno huteno alino ateʼnigeno kalavusi nopiʼmo uno haino Yoni lugoʼamo heno hatagauno agenopaʼamo yuvapafiʼmo alino maleno alinineno ani aʼmafaʼnemo amiʼnigeno alininuno itaʼamoʼmo amiʼniye.

Apa 12:20

Helotiʼa mago afinaʼmo Taiya taonifi vayaʼe Saitoni taonifi vayaʼeʼmo aipamo leno apateʼniye. Apakaemo Helotiʼa yagaino neʼapateya kotegatiʼmo uʼa neʼyaʼmo miya failiʼa eʼnayaʼmofeʼmo aipamoʼmo falu hisiyafeʼmo magoke apaipa apakesa aliteʼa Helotitegamo eʼnae. Eʼapaeʼmo hogoteʼa Milasitasiʼa Heloti noʼaleʼmo neʼyagaiya vekaeʼmo ha paiʼnageno apao vekamo hamaleʼniye.

2 Kolitiyani 5:20

Ani aliʼyaʼamo lamiʼniyaʼmofeʼmo Kalaisi avayamo aliʼnonagenoʼaeʼmo Gotiʼa lavayafatiʼmo hunoʼaeʼmo, lapao ke hove, huno nehiya agufa gemo huta muki vayaʼaifeʼmo hutaeʼmo, lapao ke hone, huta Gotiʼa ago alino ao yaʼmo hu maleʼniyaʼmofeʼmo lapakaemo alita lapao yaʼmo hu maleʼnetapa agaeʼeʼmo magokepi lokaetapa maiyo, huta nehune.