Mai'naya kavane 15:27 - The Keyagana NT and 25 OT books

²⁷ Magoʼe yaʼmo alisiyafeʼmo haʼye nehiya vekamoʼmo afamo anagaʼamo hanageke yaʼmo alinineno neʼapamiyaʼmonanafa hosu kavaʼmo hisiyafeʼmo monimo hageʼa amisaya kavafeʼmo ohauʼniya vekamoʼmo ofalino alagepa huno afaʼa maigiye.

Mai'naya kavane 15:27 ပူးပေါင်းရင်းမြစ်များ

2 Kini 5:27

Ohaneʼniyaʼmofeʼmo Nemaniteʼmo haneʼniya agufa lepolosi kaitaʼmo kagaeteʼe kaginago vayaʼaiteʼeʼmo muki afinaʼmo haneme haneme ugiye, huno ha paiʼnigeno Geheyiʼmo lepolosi kaitaʼmo hauʼnigeno agufamo alagi alino yaveyaveʼage agufamo hamaleʼnigeno Ilaisategatiʼmo ataleno uʼniye.

Samu 15:5

akamelegatiʼmo magoʼe monimo oʼalige vaiʼmo oʼapamiʼnaya vayaʼaitegamo hosu kavaʼmo hisayafeʼmo kutulu monimo ohagege huʼa neʼmaiya vayaʼmogimo uʼa haiʼa maigae. Aliʼa hapa ofaisageʼa ani agufa kavaʼmo nehisaya vayaʼmogimo muki afinaʼaeʼmo maige maige huʼa maigae.

Hatu maeno apate'niya gemae 18:21

Kagaemo muki vayapatiʼmo alagepa huʼa aliʼyaʼmo alisaya vayaʼmo maige Gotifeʼmo koli huge lama gemo huge hapaʼye osuge huʼa maiʼnisaya vayaʼmo lekana paika apato. Magoʼamogimo vani tauseniʼa vayaʼaiteʼmo yagaiʼa apatege magoʼamogimo vani hataletiʼa vayaʼaiteʼmo yagaiʼa apatege magoʼamogimo fifitiʼa vayaʼaiteʼmo yagaiʼa apatege magoʼamogimo teniʼa vayaʼaiteʼmo yagaiʼa apatege hugae.

Mai'naya kavane 1:19

Hapaʼye nehigeʼa fikumo neʼaliya vayaʼmogimo ani agufa kavaʼmo nehae. Hapaʼye nehiya vayaʼmogi apakaiʼapimo aliʼa hosu huʼa neʼapatae.

Mai'naya kavane 11:19

Muki vayaʼmogi fatago kavaʼmo akame nehisayana afaʼa maisaya yaʼmo aligayaʼmonanafa hosu kavaʼmo hisayafeʼmo vegala neʼaya vayaʼmo faligae.

Mai'naya kavane 11:29

Mago vekamoʼmo afamo anagaʼamo hanageke yaʼmo apamisiyaʼmoʼmo apakaepatiʼmo yasiʼageʼmo aligiye. Negi vekamoʼmo afiteno ageʼniya vekamo aliʼyaʼamo aligiye.

Mai'naya kavane 15:26

Ala kava neʼmoʼa hosu vayaʼmogimo apakesamo neʼafiya kavafeʼmo alagi ohauʼnigeno avenatuʼna heno atalegekana huno neʼataleyaʼmonanafa yaveyave apaipaʼe vayaʼmogi nehaya geeʼmo amuse huno neʼapate.

Mai'naya kavane 20:21

Mago vekamoʼmo afoʼamo yaʼmo malage huno aliʼnisiyaʼmoʼmo atupa afinaʼmo Gotiʼa alino auleno oʼategaiye.

Mai'naya kavane 23:4

Kagemi yakamo hanesiya vekamo maisanafeʼmo lusi kava huka aliʼyaʼmo oʼaliyo. Ani agufa kagesamo neʼafina kagesamo alika atalo.

Mai'naya kavane 28:16

Afino aeto osuʼneno yagaino neʼapateya vekamoʼmo vayaʼmo lusi kava huno alino afepi neʼapateya vekamo maiʼniyaʼmonanafa ma mopafi yafeʼmo agaiʼamo haʼye nehiya kavafeʼmo alagi ohauʼniya vekamoʼmo afaʼa maisiya yaʼamo alino yatala huno ategaiye.

Mai'naya kavane 28:25

Himuʼnamu kavaʼmo nehiya vekamoʼmo kaveta nehaya kavaʼmo alino afole aino neʼateyaʼmonanafa Ala kava nefeʼmo, naha maegaiye, huno alino amufa neʼamiya vekamo alagepa huno maigiye.

Mai'naya kavane 29:4

Kini vekamoʼmo vayaʼaleʼmo fatago kavaʼaletiʼmo yagaino apatesiyaʼmoʼmo lokiya vaiʼa maigayaʼmonanafa hapa maesiya monimo neʼalisiya kini vekamoʼmo apatalesigeʼa asagauʼa aigae.

1 Timoti 6:10

Monieʼmo hapaʼye nehiya kavaʼmoʼa muki alu hosu alu hosu kavaʼmo aepaʼamo haneʼniye. Mago vayaʼmo magoʼe monimo alisayafeʼmo hapaʼye huʼnigeʼapaeʼmo lagesamo afita fatago nehuna gemo ataleʼnageno asole hanageke kavaʼmoʼa apaipafiʼmo hapaeʼnigeʼa asole kana yaʼmo aliʼnae.

1 Timoti 6:9

Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.

Yasuva 6:18

Lapakaemo taonifatiʼmo magoke lifana hu maleʼnaya yaʼmo alagi haʼao oʼaliyo. Lapakaemo alisayaʼmoʼmo lifana vayaʼmo hamalege muki Isaleli vayaʼmo lifana gemoʼmo lapakenopaleʼmo asagauno aige hisigetapa alopa hanageke yaʼmo alita apamigae.

1 Samiyo 12:3

Hemenimo manileʼmo maiʼnove. Nagaemo mago hosu kavaʼmo lapakaetegamo huʼnisuvaʼmoʼmo Ala kava neʼmo aulagaleʼe lekana paino ateʼniya kini vekamo aulagaleʼeʼmo agoti hutapa nateyo. Nagaemo ina la ve pulumakaʼamofi nokiʼamofi huʼna avaleʼnove. Ina lafeʼmo aigofe gemo huteʼna kumaya aliʼnove. Nagaemo ina laʼmo kana yaʼmo amiteʼna aliʼna hosu huʼna ateʼnove. Ina laʼmo nagaemo hosu kavaʼmo hisuvafeʼmo mago yaʼmo fikumo namiʼniye. Nagaemo mago ani agufa kavaʼmo lapakaetegamo huʼnisuvaʼmoʼmo ani kava huʼnisuva anonatapilefeʼmo aliʼna alagepa huʼna lapamiguve.