Mai'naya kavane 15:26 - The Keyagana NT and 25 OT books

²⁶ Ala kava neʼmoʼa hosu vayaʼmogimo apakesamo neʼafiya kavafeʼmo alagi ohauʼnigeno avenatuʼna heno atalegekana huno neʼataleyaʼmonanafa yaveyave apaipaʼe vayaʼmogi nehaya geeʼmo amuse huno neʼapate.

Mai'naya kavane 15:26 ပူးပေါင်းရင်းမြစ်များ

Samu 19:14

Ala kava nene, huʼna, miya faika nateteka himamuʼnimo namiʼnana vekaʼnimo maiʼnane. Navayafatiʼmo nehuva geʼnimo ago afiteka naipafiʼmo nagesamo neʼafuva kavaʼnimo kaulagafatiʼmo ago nagetekaeʼmo, alagepa kavaʼmo huʼnane, huka hisanafekeʼmo neʼnahaiye.

Samu 45:1

Alagepa gemoʼmo naipafiʼmo havai teteno aino vali nelamigeʼnaeʼmo kini vekaekeʼmo ava gemo nehuve. Alagepa huno avoʼmo nekaeya vekamoʼmo avoʼmo kaesiyafeʼmo avo kayoʼmo aliteno alo huno neʼmaiya kava huʼna navayafatiʼmo gemo hisuvafeʼmo alo huʼna maiʼnove.

Mai'naya kavane 11:20

Ala kava neʼmoʼa kayagi kayaga kavaʼmo nehaya vayaʼaifeʼmo alagi ohauʼniyaʼmonanafa vaiʼmo oʼaliʼnisaya vayaʼaifeʼmo amogaga neʼaiye.

Mai'naya kavane 15:23

Mago vekamoʼmo geʼaleʼmo alagepa gemo huno aeno atagaina huno ha paisigenoʼaeʼmo aipafiʼmo amogaga aigiye. Mago vekamoʼmo alu vekamoʼmo alagepa huno gemo afisiya afinaʼmo alagepa gemo ha paisiyaʼmoʼmo kanale gemo haneʼniye.

Mai'naya kavane 15:25

Ala kava neʼmoʼa apakiʼapileʼmo aliʼa asaga huʼa neʼataya vayaʼai noʼapimo heno halagape vaino atalegaiyaʼmonanafa kogu a kanomo mopamo hakumo alino lokiya vaino ategaiyaʼmofeʼmo vayaʼmogimo kumaya oʼaligae.

Mai'naya kavane 15:27

Magoʼe yaʼmo alisiyafeʼmo haʼye nehiya vekamoʼmo afamo anagaʼamo hanageke yaʼmo alinineno neʼapamiyaʼmonanafa hosu kavaʼmo hisiyafeʼmo monimo hageʼa amisaya kavafeʼmo ohauʼniya vekamoʼmo ofalino alagepa huno afaʼa maigiye.

Mai'naya kavane 16:24

Alagepa gemoʼa lume anukana huno haneʼniye. Ani gemoʼmo apaipafatiʼmo haga nehapaigenoʼaeʼmo alino lokiya vaino neʼapate.

Mai'naya kavane 24:9

Negi kavaʼmo hisayafeʼmo apakesa afifi huʼa neʼmaiya kavaʼmo hosu kavaʼmae. Vayaʼmogimo himuʼnamu kavaʼmo nehiya vekaeʼmo ohapauʼnigeʼa apavenatuʼnaʼmo heʼa neʼatalae.

Matiyu 15:19

Apaipafatiʼmo afole neʼaiya kavaʼmo haneʼniyana hosu apakesa neʼafiya kavaʼmo hanege vayaʼmo nehapaya kavaʼmo hanege kumai kavaʼmo hanege aʼnemo apayate neʼaliya kavaʼmo hanege kumayaʼmo neʼaliya kavaʼmo hanege aigofe gemo nehaya gemo hanege huʼa faipa huʼa neʼapataya gemo hanege huʼniye.