Mai'naya kavane 15:15 - The Keyagana NT and 25 OT books

¹⁵ Lusi kana yaʼmo neʼaliya vayaʼmogi muki afinaʼmo alagepa huʼa noʼmaiyaʼmonanafa aipafiʼmo amogaga neʼaiya vekamoʼmo muki afinaʼmo alopa yagita nehiya afinaʼagana huno haneʼniye.

Mai'naya kavane 15:15 ပူးပေါင်းရင်းမြစ်များ

Aepa Gemae 37:35

Muki mafaʼne anagaʼaʼe a mafaʼne anagaʼaʼmogiʼeʼmo eʼa aipamoʼmo falu hisiya kavaʼmo huʼnayaʼmonanafa aipamoʼmo falu osuʼnigeno hapa painoʼaeʼmo, nagaemo yulagefakeʼmo aime aime uʼna mafaʼneʼnilagamo nagaeʼeʼmo kelifi uʼna lamiguve, huno hapa paiteno aviʼyaʼmo huge huge huno maiʼniye.

Aepa Gemae 47:9

Yekopuʼa ha painoʼaeʼmo, Nagaemo vani hataleti tetiʼa kafugamo maiʼneʼnaeʼmo alu vayaʼai mopaleʼmo kalaga vekamo maiʼnove. Afoʼnimoʼe lotoʼnimoʼeʼmo kalaga vekalaʼmo maiʼnaʼa kafugaʼanimoʼmo nagae kafugamo ago aeno aga seʼnigeʼna kana yaʼmo alime alime eʼnove.

Mai'naya kavane 15:13

Mago vekamoʼmo aipafiʼmo amogaga aisiyaʼmoʼmo augosamoʼmo kigi hugiyaʼmonanafa aipamoʼmo kana hisiyaʼmoʼmo aunemeʼamo maleno apaligiye.

Mai'naya kavane 15:14

Afino aeto huʼniya vekamoʼmo magoʼe huno afisiyafeʼmo kahauya nehiyaʼmonanafa negi vayaʼmogimo negi kavaʼmo nehaya kavaʼmo neʼyaʼapigana huʼa neʼnae.

Mai'naya kavane 15:16

Ala kava nefeʼmo koli nehiya vekamoʼmo aiseʼamo aliʼniya yaʼmoʼa alopa kagemi yanagi hanageke yanagi huno ago aeno agaseʼniye.

Mai'naya kavane 16:22

Afino aeto nehiya kavaʼamo aliʼniya vekalefeʼmo afaʼa neʼmaiya yaʼmo neʼapamiya meti anikana huno maiʼniyaʼmonanafa negi vayaʼmogi negi kavaʼapiletiʼmo kayoʼmo neʼapamiye.

Mai'naya kavane 17:22

Apamogaga neʼaiya apaipamo malasinigana huno haneʼneno alino falu huno neʼapateyaʼmonanafa maleno neʼapaliya apauneʼapameʼmoʼa apauneʼapameʼmo alino hosu huno neʼate.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 5:11

Mani alagepa kavaʼageʼmo lagaetegamo afole oʼaigifa hemeniʼeʼmo Ala kava netimo Yesu Kalaisitetiʼmo Gotifeʼmo amuse huta ateteta lamogaga neʼaune. Gotiʼa agaetetiʼmo ago alino ao yaʼmo hu maleʼniyaʼmofeʼmae.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

2 Kolitiyani 1:5

Kalaisiʼa lusi kana yaʼmo aliʼniya kava huta lusi kana yaʼmo hetamatimo neʼalune. Lusi kava huta kana yaʼmo neʼaluna kavaʼmo huno Gotiʼa Kalaisitetiʼmo magoʼe huno laha maeno alino lokiya vaino nelate.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

1 Pita 4:13

Kana yaʼmo aliʼniya kava huno kana yaʼmo neʼalitapa agaeʼeʼmo magoke agufa kana yaʼmo aliʼnayaʼmofeʼmo lapamogaga aiyo. Kalaisi ha le konali yaʼamo afole aisiya afinaʼmo lusi kava hutapa lapamogaga aigayaʼmofeʼmo magoʼe hutapa lapamogaga aiyo.