Mai'naya kavane 14:8 - The Keyagana NT and 25 OT books

⁸ Afiteno ageʼniya vekamoʼmo afiteno ageʼniya kavaʼmo haneʼniyana visiya kaʼmo afiteno ageʼniyaʼmonanafa negi vayaʼmogimo negi kavaʼmo haneʼniyana aigofe kavaʼmo haneʼniye.

Mai'naya kavane 14:8 ပူးပေါင်းရင်းမြစ်များ

Samu 111:10

Ala kava nefeʼmo koli nehisaya vayaʼmogi aepa nefaiyanageʼa afiteʼa agegae. Agiʼaleʼmo aliʼa asaga huʼa neʼataya kavaʼmo hanege hanege huno hanegaiye.

Samu 119:5

Gekamo alagepa huʼna afiteʼna akame hisuvafeʼmo neʼnahaiye.

Samu 119:73

Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.

Samu 143:8

Kagaefeʼmo aliʼna amufa nekamuvaʼmofeʼmo netepiʼmo nagaefeʼmo kahau kayaʼmopafiʼmo kahauge kahauge huno neʼmaiya kavafeʼmo nagesamo afisuva kavaʼmo huvo. Nunumuʼmo huʼnaeʼmo nagupi mafaʼnemo kagaetefeʼmo aliʼna asaga nehuvaʼmofeʼmo visuva kaʼmo alika nave liyo.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Mai'naya kavane 12:5

Fatago vayaʼmogimo apakesamo neʼafiya kavaʼmo alagepa huno haneʼniyaʼmonanafa hosu vayaʼmogi vege nehaya gemo humi apatesayafeʼmo nehae.

Mai'naya kavane 15:21

Alagepa huʼa oʼafiʼnaya vayaʼmogimo negi kavafeʼmo apamogaga neʼaiyaʼmonanafa afiʼniya vekamoʼmo api kavaʼmo nehiye.

Mai'naya kavane 2:9

Geʼnimo afisanana fatago kavaʼmo agege alagepa huka alika fako huge huka maigane. Fatago kavaʼmo hisana kaʼe muki alagepa kavaʼmo hisana kaʼeʼmo agegane.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

1 Kolitiyani 3:19

Ma mopafi vayaʼmogi afiteʼa ageʼnaya kavaʼmo Goti aulagaleʼmo negi nagi kavaʼmo haneʼniye. Ani kavatefeʼmo Goti mukufi gemoʼmo hunoʼaeʼmo, Afiteʼa ageʼnaya vayaʼmogimo avame name kavaʼmo nehagenoʼaeʼmo Gotiʼa aneʼaifiʼmo hegekana huno neʼapatafaiye, huno huʼniye.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Efasasi 5:17

Inagi negi nagi vayaʼmo oʼmaitapa Ala kava neʼmo hauʼniya kavafeʼmo kahauya hutapa ageyo.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

Yemisi 3:13

Lapakaepatiʼmo ina laʼmo afiteno ageʼniya vekamoʼmo alagepa huno neʼafiye. Agaemo alagepa kavaʼaletiʼmo agiʼaleʼmo alino afepi ateteno yagu yaga kavaʼmo huno alagepa huno afiteno ageʼniya kavaʼmo huno alino apave lino.