Mai'naya kavane 14:32 - The Keyagana NT and 25 OT books

³² Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Mai'naya kavane 14:32 ပူးပေါင်းရင်းမြစ်များ

Aepa Gemae 49:18

O Ala kava nene, huʼna, nagaemo nagufamo alika katika natesanafeʼmo kagava maiʼnove.

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 37:37

Lapakaemo alagepa vayaʼmo aulu hapaetapa apaketetapaeʼmo fatago vayaʼmo apaketapa maiyo. Kanaʼapimo hano hisigeʼapaeʼmo alagepa huʼa maigayaʼmonanafa

Samu 58:9

Aufe nofiʼmo ata kaesigenoʼaeʼmo ataleʼmo haneʼniya samomo amuko osisiya afinaʼmo hogoteno lusi kava huno alopa yasimoʼmo malage huno muki yaʼmo alinino neʼviya kava huno Gotiʼa aipamo leno apatesiya kavatetiʼmo hosu vayaʼmo apavalelino ugiye.

Samu 73:24

Hemenimo kagaemo gekaletiʼmo alika ho huka nateteka henagaʼamo ha le konali koteʼmo navalelika uka haigane.

Mai'naya kavane 11:5

Vaiʼmo oʼaliʼnisaya vayaʼai fatago kavaʼapimoʼa visaya kaʼmo alino api aino apategaiyaʼmonanafa hosu vayaʼmogimo hosu kavaʼapiletiʼmo asagauʼa aigae.

Mai'naya kavane 14:33

Afiteno ageʼniya kavaʼmo afino aeto nehiya vekamo aipafiʼmo afaʼa nehaneyaʼmonanafa negi vayaʼmogi apaipafiʼmo haneʼniya kavaʼmo afole neʼaiye.

Mai'naya kavane 24:16

Fatago vekamoʼmo seveniʼa afinaʼmo asagauno aisiyana halate afaʼa he tigiyaʼmonanafa hosu vayaʼmo hanageke yaʼmo aliteʼa alagi asagauʼa aigae.

Mai'naya kavane 5:22

Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.

Mai'naya kavane 6:15

Nehayaʼmofeʼmo malage huno alino hosu huno apatesiya kavaʼmo afole aigiye. Afole aisigeʼa alagepa huʼa maisaya kaʼmo alagi ohanegaiye.

Luki 2:29

Ala kava nene, huno, Naha paiʼnana kavaʼmo hemenimo ago alika afole aika ateʼnanaʼmofeʼmo aliʼyakamo neʼaluva vekamoʼnaeʼmo kaipamoʼmo falu huʼnisigeka aliʼyakamo ataleka eno, huka naha paigane.

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Yoni 8:24

Ani kavatefeʼmo huʼnaeʼmo, hosu kavatapifikeʼmo maiʼnetapaeʼmo faligae, huʼna ago lapa paiʼnove. He, lapakaemo hutapaeʼmo, agaemo muki afinaʼmo neʼmaiya vekamo maiʼniye, hutapa nagaefeʼmo lapakesamo afita fatago osisayana hosu kavatapifikeʼmo maiʼnetapaeʼmo faligae, huno hapa paiʼniye.

Lomu 9:22

Ani kavaʼmo huno Gotiʼa aipamo leno neʼapateya kayoʼe himamuʼaʼeʼmo afaʼa alino apave lisiyafeʼmo hauʼniyaʼmonanafa aipamo leno neʼapateya vayaʼmo malage huno oʼapamagino yatala afinaʼmo afaʼa apakeno maiʼniye. Apakaemo mopa kegana huʼa maiʼnayanageno Gotiʼa alino hano huno apatalesiyafeʼmo apakaiʼapimo alo huʼa maiʼnae.

2 Kolitiyani 1:9

He, yasi vekamoʼmo hunoʼaeʼmo, faligae, huno huʼniya agufa gemo laipafiʼmo ago afole aiʼniye. Lagaitieʼmo alita amufa olamita Gotiʼa faliʼnayatetiʼmo alino he tino neʼapateya vekaekeʼmo alita amufa amigune, huta lagesamo afisunafeʼmo mani hanageke yaʼmo lagaeteʼmo afole aiʼniye.

2 Kolitiyani 5:8

Lagufaʼamo ataleta uta haita Ala kava neʼeʼmo maisunafeʼmo koli osuta he, kanalene, huta nehune.

Filipai 1:21

Afaʼa maisuvana Kalaisitefeʼmo afaʼa maiguve. Falisuvana akamelegatiʼmo magoʼe yaʼnimo aliguve.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

1 Tesaloniyani 5:3

Vayaʼmogi, alagepa huta neʼmaunanageta ani kavakeʼmo huta maigune, huʼa nehisagenoʼaeʼmo malage huno hosu kavaʼmo apakaeteʼmo afole aiteno alino hano huno apategaiye. Aʼnemogimo mafaʼnemo aliʼa apatesayafeʼmo huʼnaya afinaʼmo fikumo maiʼnagenoʼaeʼmo malage huno apakafu nekiya agufa kavaʼmo apakaeteʼmo afole aisigeʼapaeʼmo faiʼa kasalo opaegae.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.

Leveleseni 14:13

Inagi afiʼnovana mago vekamoʼmo kokuʼnapatiʼmo ge hunoʼaeʼmo, Avoʼmo kao. Ani afinatetiʼmo Ala kava nepiʼmo maiʼneʼa falisaya vayaʼmogimo Goti aulena vayaʼamo maiʼnae, huno huʼnigeno Goti Aunemeʼamoʼmo hunoʼaeʼmo, he, faliteʼapaeʼmo alagepa kavaʼmo huʼnaya anonaʼapimo aliniʼa ugayaʼmofeʼmo lokiya aliʼyaʼapimo ataleʼa maiʼa haga legae, huno huʼniye.