Mai'naya kavane 14:30 - The Keyagana NT and 25 OT books

³⁰ Kaita ohauʼnigeno alagepa huno afaʼa haneʼniya aipamoʼmo agufamo alino lokiya vaino ategaiyaʼmonanafa aipa kafa nehaeya aipamoʼmo mago kaita haugekana huno haneʼniyanageno agufamo alino hosu huno ategaiye.

Mai'naya kavane 14:30 ပူးပေါင်းရင်းမြစ်များ

1 Kini 21:6

Agaemo ha painoʼaeʼmo, Nagaemo Yesali taonifi vekamo Nemotifeʼmo huʼnaeʼmo, Nofi hoyakamo miya faigesuve. Monieʼmo okahausigeʼnaeʼmo nagaemo alu nofi hoyamo kategauve, huʼna huʼnogenoʼaeʼmo, Nagaemo nofi hoyaʼnimo okategauve, huno naha paiʼniyaʼmofeʼmae, huno ha paiʼniye.

Samu 112:10

Hosu vekamoʼmo ani kavaʼmo agetenoʼaeʼmo ohauʼninageno aipamoʼmo kana hugiye. Koʼmopamo avayafiʼmo hanigeno ani neheya kava huno alagi oʼmaigiye. Hosu vayaʼmogi alagepa kavaʼmo apakaetegamo afole aisiyafeʼmo apavayagunagu nehayaʼmonanafa ani hapauʼniya kavaʼmo alagi hano hugiye.

Samu 119:80

Nagaemo avoʼmo kae maleʼnaya keʼaepa gekaleʼmo aiʼna hapaisuva naipa nagesamo namigeʼnao navagage osisiyafeʼmo akame hino.

Mai'naya kavane 12:4

Alagepa a kanomoʼa anauʼamoʼmo alagepa huno ha maesigeʼapaeʼmo ala agiʼamo amigayaʼmonanafa mago vekamo aʼamoʼmo hosu kavaʼmo hisigeno anauʼamoʼmo avagage hisigenoʼaeʼmo ani a kanomoʼa kaita haugegana huno anauʼamoʼmo alino hosu huno neʼate.

Mai'naya kavane 15:13

Mago vekamoʼmo aipafiʼmo amogaga aisiyaʼmoʼmo augosamoʼmo kigi hugiyaʼmonanafa aipamoʼmo kana hisiyaʼmoʼmo aunemeʼamo maleno apaligiye.

Mai'naya kavane 17:22

Apamogaga neʼaiya apaipamo malasinigana huno haneʼneno alino falu huno neʼapateyaʼmonanafa maleno neʼapaliya apauneʼapameʼmoʼa apauneʼapameʼmo alino hosu huno neʼate.

Mai'naya kavane 3:8

Ani kavaʼmo hisanaʼmoʼmo malasinigana huno haneʼneno alino kahageno kateteno alino lokiya vaino kategaiye.

Mai'naya kavane 4:23

Muki agufa kavakamo aepaʼamo kaipafatikeʼmo afole neʼaiyanagi hogote kavaʼmo huka kayamukiki huka kaipaleʼmo alagepa huka yagaika ato.

Hamakaki 3:16

Ani kavafeʼmo ava gemo afiteʼnaeʼmo nagufamoʼmo atete huʼniye. Age aiʼnigeʼnaeʼmo navayamoʼmo atete huʼniye. Naiya nayaʼmo faliteno lokiyaʼnimo ohaneʼnigeno naipamoʼmo atete huʼniye. Ani nofi vayaʼmogi eʼa lagaeʼeʼmo kamemo hisagenoʼaeʼmo lusi hanageke yaʼmo afole aisiya afinaʼmo nahausoli osuʼna afaʼa agava maiguve.

Apa 7:9

Henagaʼamo ani nofi vayaʼai aepa vayaʼmogimo Yosefefeʼmo apaipa kafamo haeteʼapaeʼmo avaleʼa maketi huʼa alu kotega vayaʼmo apamiʼnageʼa miya faiʼa avaleliʼuʼa Isipi kotegamo ateʼnageno afa aliʼyaʼmo alino maiʼniye.

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

2 Timoti 1:7

Na kava nehiyaʼmofeʼmae. Gotiʼa lamiʼniya Aunemeʼamoʼmo laipafiʼmo aliʼyaʼmo neʼaligetaeʼmo lamoʼya oʼaita himamuʼamo aliʼneta lahau layamopafiʼmo lahauʼnigeta lagesamo neʼafuna kavateʼmo neʼyagaune.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.