Mai'naya kavane 14:21 - The Keyagana NT and 25 OT books

²¹ Mago vekamoʼmo haopaleʼmo maiʼniya vekaeʼmo ina agufa vekamae, huno nehisiyana hosu gemo nehiyaʼmonanafa kagemi yaʼapimo ohaneʼniya vayaʼaifeʼmo hapau huʼa neʼapataya vayaʼmogimo alagepa huʼa neʼmaiyanageʼa afaʼa apamogaga aigae.

Mai'naya kavane 14:21 ပူးပေါင်းရင်းမြစ်များ

Samu 112:5

Fatago vekamoʼmo kanale kavaʼmo huno vayaʼai anonaʼapilefeʼmo neʼapamiye. Aigofe kavaʼmo huno aliʼyaʼamo noʼalifa fatago kavaʼmo huno aliʼyaʼamo neʼaliye.

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 22:24

Hanageke yaʼmo neʼaliya vayaʼmo apataleno aino afe leno akameʼyamo noʼapamifa keya aeʼa ge nehagenoʼaeʼmo geʼapimo afiteno hapa neʼmae.

Mai'naya kavane 11:12

Afiteno oʼageʼniya vekamoʼmo haopaleʼmo maiʼniya vekamo geʼaletiʼmo alino afepiʼmo neʼateyaʼmonanafa afino aeto nehiya vekamoʼmo ani agufa gemo nosiye.

Mai'naya kavane 14:31

Mago vekamoʼmo kagemi yaʼapimo ohaneʼniya vayaʼmo alu kana ya alu kana yaʼmo alino apamisiyaʼmoʼmo alo huno ateʼniya vekaeʼmo huno faipa huno neʼateyaʼmonanafa mago vekamoʼmo alo huno ateʼniya vekamo ala agiʼamo amisiyaʼmoʼmo kagemi yaʼapimo ohaneʼniya vayaʼaifeʼmo hau huno apategaiye.

Mai'naya kavane 17:5

Mago vekamoʼmo kagemi yaʼamo ohaneʼniya vekaeʼmo huno faipa huno neʼatesiyaʼmoʼmo kagemi yaʼamo ohaneʼniya vekamo alo huno ateʼniya vekaʼeʼmo huno faipa huno ateʼniye. Mago vekamoʼmo agesiyana alu vekamoʼmo hanageke yaʼmo alisigeno agetenoʼaeʼmo amogaga aisiyaʼmoʼmo kayoʼmo amisigenoʼaeʼmo faino kasalo opaegaiye.

Mai'naya kavane 18:3

Hosu vayaʼmo afole neʼaigenoʼaeʼmo ani agufa vayaʼmo maiʼnae, huʼa nehaya geʼeʼmo afole neʼaiye. Apakaemo huʼa faipa huʼa neʼapatagenoʼaeʼmo apavagage nehiya kavaʼmo afole neʼaiye.

Mai'naya kavane 19:17

Kagemi yaʼapimo ohaneʼniya vayaʼaifeʼmo hau huno apateteno fikumo neʼapamiya vekamoʼmo Ala kava nekeʼmo neʼamiyaʼmofeʼmo anonaʼalefeʼmo amigiye.

Mai'naya kavane 21:10

Hosu vayaʼmogimo hosu kavafeʼmo lusi kava huno apaka nete. Hapaopaleʼmo maiʼnaya vayaʼaifeʼmo hapaoke nosae.

Mai'naya kavane 22:9

Vayaʼmo nekaiya vekamoʼmo kafu nehaya vayaʼaina neʼapamiyaʼmofeʼmo Gotiʼa alino auleno ategaiye.

Mai'naya kavane 28:27

Kagemi yaʼapimo ohaneʼniya vayaʼaina fikumo apamisiya vekamo kafu osugiyaʼmonanafa hapa maesiyafeʼmo ohauʼnigeno oʼapakeno aulagamo fali kaeno noʼapamiya vekamo magoʼe huno lifana huno atesiya kavaʼmo agaeteʼmo afole aigiye.

Mai'naya kavane 28:8

Vayaʼmogimo anonamo aliʼnaya yatefeʼmo magoʼe monimo maleteʼa neʼapamiya vayaʼmogi alopa moniʼapimo atalesageno kagemi yaʼapimo ohaneʼniya vayaʼaifeʼmo hau huno neʼapateya vekamoʼmo aligiye.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Luki 18:9

Mago vayaʼmogi Gotifeʼmo apakesamo oʼafiʼa apakaiʼapiyekeʼmo aliʼa amufa apamiʼapaeʼmo, lagaemo alagepa vayaʼmo maiʼnonageʼa alu vayaʼmo afaʼa ina agufa vayaʼmo maiʼnae, huʼa nehaya vayaʼaifeʼmo Yesuʼa ina gemo huno aeno kalafefa gemo huno hapa paiʼniye.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Himulu 6:12

Alagaʼmo olapaeʼninagetapa Gotiʼa polomasi gemo hunoʼaeʼmo, lapamiguve, huno hu maleʼniya yaʼmo aliʼnaya vayaʼai apaiyakamo aliyo. Apakaemo oʼataleʼa apakesamo afiʼa fatago huʼneʼa atafauʼa alagi huʼa maime maime neʼeʼapaeʼmo aliʼnae.