Mai'naya kavane 14:16 - The Keyagana NT and 25 OT books

¹⁶ Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 14:16 ပူးပေါင်းရင်းမြစ်များ

Aepa Gemae 33:9

Isoʼa, Naganaʼnimogae, huno, nagaemo ago alagi haiʼmo aliʼnove, huno huʼniye. Kagaetegamo haneʼniya yaʼmo kagaikageʼmo aliyo, huno ha paiʼniye.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

1 Kini 19:2

Yeyemeʼmo afitenoʼaeʼmo Ilaiyategamo ina ge huno ge huno atalegeno uʼniye. Inagi nagaemo kagaemo ani Meo geʼamo aeʼa hakalo nehaya vayaʼmo kamitimo apaiʼnana agufa kavaʼmo huʼna egamo mani hemeni agufa kanaleʼmo kaisugeka apaiʼnana vayakana huka maigane. Nagaemo ani agufa kavaʼmo osisuvaʼmoʼmo kanale kavanageʼa gotigimo kamitimo namagigae, huno huteno agoʼyamo ataleʼniye.

1 Kini 20:18

Inagi Meniheʼneʼmo hapa painoʼaeʼmo, Lapakaemo uta kamemo lahaesayafeʼmo neʼesafi kamemo hisaya kavafeʼmo ohapaigeʼapaeʼmo lagaefeʼmo laha paisayafeʼmo neʼesafigi ohapaetapa apatafaiyo.

Samu 119:120

Nagaemo kagaefeʼmo koli nehugenoʼaeʼmo nagufamoʼmo atete nehiye. Alika fako nehana kavakaeʼmo koli nehuve.

Samu 34:14

Hosu kavategatiʼmo maitapa halove hutapa eta alagepa kavakeʼmo hiyo. Kaveta osutapa alagepa hutapa magokepi lokaeta maisayafeʼmo kahauya huta agetetapa vegala aeyo.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Mai'naya kavane 14:15

Alagepa huno oʼafiʼniya vekamoʼmo muki geʼapieʼmo lama geʼageʼmo haneʼniye, huno nehiyaʼmonanafa alagepa kavaʼmo hisiyafeʼmo ageʼniya vekamoʼmo nehiya kavaʼaeʼmo alagepa huno agesamo neʼafiye.

Mai'naya kavane 14:17

Malage huno aipamo neleya vekamoʼmo negi kavaʼmo nehiye. Gotiʼa hosu aliʼyaʼmo neʼaliya vekaeʼmo alagi ohauʼniye.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 16:6

Ala kava neʼmoʼa hau ayamopafiʼmo nehaiya kavatetiʼe lama geʼaletiʼeʼmo vayaʼai hosu kavaʼapimo alino neʼatale. Ani kava huʼa vayaʼmogi Ala kava nefeʼmo koli nehaya kavatetiʼmo hosu kavaʼapimo neʼatalae.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Mai'naya kavane 28:14

Muki afinaʼmo Ala kava nefeʼmo koli nehiya vekamoʼmo Goti aulagaleʼmo alagepa huno maiʼniyanageno afaʼa amogaga aigiyaʼmonanafa aipamo alino lokiya vaino neʼateya vekamoʼmo hanageke kavapiʼmo asagauno aigiye.

Mai'naya kavane 29:9

Afiteno ageʼniya vekamoʼmo negi vekamo agoti huno atesiyaʼmoʼmo negi vekamoʼmo aipamo lege kigi huge huno faipa huno atege hisigeʼanaeʼmo anaipamo falu osugiye.

Mai'naya kavane 3:7

Afiteʼna ageʼnove, huka osuka Ala kava nefeʼmo koli huka hosu kavafeʼmo kakameʼya amiyo.

Mai'naya kavane 7:22

Ani neya vekamoʼa geʼamo afiteno malage huno akame huʼniye. Pulumakamo apamagisayafeʼmo apavaleliʼa neʼvaya kava huno uʼniye. Negi nagi vekamo kalavusi huʼa atesayafeʼmo avaleliʼa neʼvaya kava huno uʼniye.

Yoni 9:40

Mago Falasi vayaʼmo agaeʼeʼmo magokepi lokaeʼa maiʼnaya vayaʼmogi ani gemo afiteʼapaeʼmo, lagaeʼeʼmo laulagamo ali huʼnifiye, huʼa afi geʼnagenoʼaeʼmo,

1 Tesaloniyani 5:22

Muki agufa hosu kavaʼamo maita halove hutapa ateyo.