Mai'naya kavane 14:15 - The Keyagana NT and 25 OT books

¹⁵ Alagepa huno oʼafiʼniya vekamoʼmo muki geʼapieʼmo lama geʼageʼmo haneʼniye, huno nehiyaʼmonanafa alagepa kavaʼmo hisiyafeʼmo ageʼniya vekamoʼmo nehiya kavaʼaeʼmo alagepa huno agesamo neʼafiye.

Mai'naya kavane 14:15 ပူးပေါင်းရင်းမြစ်များ

Efasasi 5:17

Inagi negi nagi vayaʼmo oʼmaitapa Ala kava neʼmo hauʼniya kavafeʼmo kahauya hutapa ageyo.

Mai'naya kavane 14:8

Afiteno ageʼniya vekamoʼmo afiteno ageʼniya kavaʼmo haneʼniyana visiya kaʼmo afiteno ageʼniyaʼmonanafa negi vayaʼmogimo negi kavaʼmo haneʼniyana aigofe kavaʼmo haneʼniye.

Mai'naya kavane 27:12

Alagepa kavaʼmo hisiyafeʼmo ageʼniya vekamoʼmo hunoʼaeʼmo, Mani kateʼmo visuvana hosu kavaʼmo afole aigiye, huno agetenoʼaeʼmo ani kaʼmo ataleno uno fala nekiyaʼmonanafa negi vayaʼmogi oʼageʼa fikumo neʼvageʼapaemo kayoʼmo neʼapamiye.

Mai'naya kavane 4:26

Visana kafeʼmo alagepa huka kagesa afifi huka maiyo. Hisana kavaʼmo alika lokiya vaika ategeno haneno.

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Apa 13:7

Ani vekamo ani agoʼnanenafiʼmo haneʼniya koteʼmo yagaino neʼapateya vekamo agiʼamo Sesiʼasi Polasiʼa ao vekamo maiʼniye. Sesiʼasi Polasiʼa alagepa huno agesa afiʼniya vekamae. Agaemo Goti geʼamo afisiyafeʼmo Manamasiʼe Soloʼefeʼmo ge huʼnigeʼana eʼnaʼae.

Mai'naya kavane 22:3

Alagepa kavaʼmo hisiyafeʼmo afiʼniya vekamoʼmo nagaeteʼmo hanageke yaʼmo afole aigiye, huno agetenoʼaeʼmo maino halove huno neʼmaiyaʼmonanafa oʼafiʼnaya vayaʼmogimo hanageke yaʼmo alisaya kateʼmo neʼuʼapaeʼmo hanageke yaʼmo neʼaliye.

Mai'naya kavane 14:14

Alagepa kaʼmo ataleʼnaya vayaʼmo kavaʼapilefeʼmo miyaʼapimo aligayaʼmonanafa alagepa vayaʼmo alagepa miyaʼapimo aligae.

Mai'naya kavane 14:16

Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 17:4

Hosu vekamoʼmo aigofe gelefeʼmo agetafo huʼneno neʼafiye. Aigofe gemo nehiya vekamoʼmo huno faipa huno neʼateya gemo afisiyafeʼmo nehaiye.