Mai'naya kavane 13:6 - The Keyagana NT and 25 OT books

⁶ Vaiʼmo oʼaliʼniya vekamo fatago kavaʼamoʼmo yagaino atesigeno alagepa huno maigiyaʼmonanafa hosu vekamo hosu kavaʼamoʼmo alino hosu huno ategaiye.

Mai'naya kavane 13:6 ပူးပေါင်းရင်းမြစ်များ

Samu 119:1

Vayaʼmogimo alagepa kavaʼmo nehuʼapaeʼmo vaiʼmo oʼaliʼa Ala kava neʼmo keʼaepa geʼamo akame nehaya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 140:11

Aigofe gemo huteʼa huʼa faipa huʼa neʼapataya vayaʼmo afaʼa apateʼnegeʼa ma mopafiʼmo lokiya vaiʼa oʼmaiyo. Kaveta hisayafeʼmo nehaya vayaʼmogeno apakaeteʼmo hosu kavaʼmo afole aiteno alino hano huno apataleno.

Samu 15:2

Vaiʼmo oʼaliʼa he tiʼa umenitata huge fatago kavaʼmo huge apaipafatiʼmo lama gemo huge

Samu 25:21

Nagaemo kagava maiʼnovaʼmofeʼmo naha maegeʼnao lama ge huʼna fatago kavakamo akame huteʼna alagepa kavaʼmo huʼna maiguve.

Samu 26:1

Apakaemo nagaepikeʼmo aliʼa faiʼa nateʼnae. O Ala kava nene, huʼna, Alagepa kavaʼmo huʼnovaʼmofeʼmo kagaemo hukaeʼmo, Haʼao, alagepa kavaʼmo huʼniye, huka hapa paiyo. Nagaemo Ala kava nefeʼmo aliʼna amufa neʼamuvaʼmofeʼmo aeʼna halu oʼvalegauve.

Mai'naya kavane 10:29

Fatago vayaʼmogimo Ala kava neʼmo kateʼmo neʼvageno alino lokiya vaino neʼapateyaʼmonanafa hosu kavaʼmo nehaya vayaʼmo alino apagoʼya lagauno apatalegaiye.

Mai'naya kavane 11:20

Ala kava neʼmoʼa kayagi kayaga kavaʼmo nehaya vayaʼaifeʼmo alagi ohauʼniyaʼmonanafa vaiʼmo oʼaliʼnisaya vayaʼaifeʼmo amogaga neʼaiye.

Mai'naya kavane 11:3

Fatago vayaʼai fatago kavaʼapimoʼa ka alino ho huno neʼapateyaʼmonanafa geʼapimo akame nosaya vayaʼai hosu kavaʼapimoʼa alagi alino apagoʼya lagauno apatalegaiye.

Mai'naya kavane 21:12

Fatago Gotiʼmo afiteno ageʼniya kavaʼaletiʼmo hosu afamo anaga vayaʼmo neʼapake. Hosu kavaʼmo huʼnayaʼmofeʼmo alino yaga auno apatalegaiye.

Mai'naya kavane 5:22

Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.