Mai'naya kavane 13:22 - The Keyagana NT and 25 OT books

²² Alagepa vekamo mafaʼne anagaʼamogimo falisigeʼapaeʼmo alisayafeʼmo apateʼniya kagemi yaʼapimo aligayaʼmonanafa hosu vekamoʼmo apateʼniya kagemi yaʼamo fatago vayaʼmogimo aligae.

Mai'naya kavane 13:22 ပူးပေါင်းရင်းမြစ်များ

Esala 9:12

Nehayaʼmofeʼmo aʼmafaʼnetapimo ani nofi vayaʼaina oʼapamige mafaʼnetapimogimo aʼmafaʼneʼapimo oʼalige hiyo. Lapakaemo muki afinaʼmo apakaeʼeʼmo kame osisageʼa alagepa huʼa maisayafeʼmo hapa oʼmaeyo. Lapakaemo lokiya vaitapa maiʼnetapa ani mopaleʼmo alita vaisaya hoyafatiʼmo alagepa neʼyaʼmo neme neme utapa falisageʼapaeʼmo mafaʼnetapimogimo ani mopamo alisageno apakaiʼapi mopaʼapimo muki afinaʼmo hanege hanege huno hanesiyafeʼmo ani kavaʼmo hiyo.

Samu 112:2

Mafaʼneʼamogimo ma mopafiʼmo lokiya vayaʼmo maigae. Gotiʼa aginago vayaʼamo alino auleno apategaiye.

Samu 128:6

He, kagaemo mafaʼnekamogimo aliʼa apatesaya mafaʼnemo afaʼa apakesanafeʼmo Gotiʼa kaha maeno. Isaleli vayaʼmo alagepa huta maiyo.

Samu 37:25

Nagaemo yatala afinaʼmo maime maime eʼna hemenimo ago kosuna leʼnovaʼmonanafa Ala kava neʼmoʼa fatago vayaʼamo apataleno uʼniya kavaʼamo oʼagege mafaʼneʼapimogi neʼyafeʼmo aukaya huʼnaya kavaʼmo oʼagege huʼnove.

Mai'naya kavane 17:6

Mafaʼneʼamogi mafaʼneʼapimo kosunamogi kini kakolitaʼapigana huʼa maiʼnae. Ani kava huno mafaʼne anagaʼmogi ha le konali yaʼapimo haneʼniyana afoʼapimogimo maiʼnae.

Mai'naya kavane 28:8

Vayaʼmogimo anonamo aliʼnaya yatefeʼmo magoʼe monimo maleteʼa neʼapamiya vayaʼmogi alopa moniʼapimo atalesageno kagemi yaʼapimo ohaneʼniya vayaʼaifeʼmo hau huno neʼapateya vekamoʼmo aligiye.