Mai'naya kavane 13:20 - The Keyagana NT and 25 OT books

²⁰ Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Mai'naya kavane 13:20 ပူးပေါင်းရင်းမြစ်များ

Aepa Gemae 14:12

Lotiʼa Emalemi aganaʼamo mafaʼnemo ani Satomi taonifiʼmo maiʼnigeʼa eʼa agaemo avaleteʼa kagemi yaʼaʼeʼmo aliniʼa uʼnae.

2 Sitoli 19:2

Afaʼa maiʼnigenoʼaeʼmo mago aune vekamo agiʼamo Yehuʼa Hanani mafaʼnemoʼmo Yihosafatitegamo uno ina ge huno ha paiʼniye. Kagaemo hosu vayaʼaina hapa maeʼnana kavakamo kanale kavapiye. Kagaemo Ala kava nefeʼmo apaini nehaya vayaʼaifeʼmo kahau kayamopafi kahauʼniya kavakamo kanale kavapiye. Hosu kavaʼmo huʼnanaʼmofeʼmo Ala kava neʼmoʼa aipamo leno nekateya kavaʼmo kagenopaleʼmo asagauno aiʼniye, huno ha paiʼniye.

Samu 119:63

Nagaemo kagaefeʼmo koli nehaya vayaʼeʼmo magokepiʼmo lokaeta maiʼnone. Apamiʼnana geleʼmo yagaiʼa ateʼneʼa akame nehaya vayaʼeʼmo magokepiʼmo lokaeta maiʼnone.

Mai'naya kavane 13:19

Mago vekamoʼmo hauʼniya kavaʼmo afole aisigenoʼaeʼmo aipafiʼmo haga haugiyaʼmonanafa negi vayaʼmogimo hosu kavaʼmo atalesayafeʼmo alagi ohapaugiye.

Mai'naya kavane 14:7

Kagaemo mago vekamo agekaeʼmo alagepa huno afino aeto osuge alagepa gemo osuge nehiye, huka agesana vekamo maika halove huka ato.

Mai'naya kavane 15:31

Alagepa huʼa maisaya kavafeʼmo aliʼa api aiʼa hapa paisaya gemo alagepa huʼa afisaya vayaʼmogimo afiteʼa ageʼnaya vayaʼeʼmo magokepi lokaeʼa maigae.

Mai'naya kavane 22:24

Aipamo nelesiya vekamo ao vekamo oʼmaiyo. Kaveta hisiyafeʼmo aipamo leʼnigeno ayamufa neʼvaleya vekaʼeʼmo magokepi lokaeka oʼuvo.

Mai'naya kavane 22:25

Fiku yanageka agae kavaʼmo ageteka akame hisanaʼmoʼmo aneʼaimoʼmo katafaugiye.

Mai'naya kavane 7:27

Ani aʼneʼai notegamo uʼniya kaʼmoʼa faliʼnaya vayaʼai kanolulegamo uʼniye. Ani kateʼmo akame hutapa visayaʼmoʼmo ata kopiʼmo uta lamigae.

Mai'naya kavane 9:6

Negi nagi kavaʼmo atalegenoʼao afaʼa maisaya yaʼmo aligayanagi. Afitapa aeto hisayafeʼmo alagepa kateʼmo viyo, huno hapa paiʼniye.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Himulu 10:24

Lagaemo alita he tita apatesunageʼapaeʼmo hapau apayamopafiʼmo hapauge alagepa kavaʼmo huge hisayafeʼmo konagatieʼmo lagesamo afifi huta maigetao.

Leveleseni 18:4

Huno hutegeno mago alu vekamoʼmo kokuʼnapatiʼmo hunoʼaeʼmo, Vayaʼnimogitapae, huno, kumai kavaʼmo nehiya a kanomo ataletapa eyo. Fiku yanagetapa agaeʼeʼmo magokepi lokaeta hosu kavaʼmo vaiʼamo alige amisuva kayoʼmo alige hugae.