Mai'naya kavane 13:2 - The Keyagana NT and 25 OT books

² Vayaʼmogimo alagepa gemo nehaya geletiʼmo alagepa huʼa maigayaʼmonanafa gemo amagiʼa neʼatalaya vayaʼmogi kaveta huge kame huge nehaya kavatetiʼmo alagepa huʼa oʼmaigae.

Mai'naya kavane 13:2 ပူးပေါင်းရင်းမြစ်များ

Samu 140:11

Aigofe gemo huteʼa huʼa faipa huʼa neʼapataya vayaʼmo afaʼa apateʼnegeʼa ma mopafiʼmo lokiya vaiʼa oʼmaiyo. Kaveta hisayafeʼmo nehaya vayaʼmogeno apakaeteʼmo hosu kavaʼmo afole aiteno alino hano huno apataleno.

Samu 75:8

Ala kava neʼmoʼa aipamo leno neʼapateya kavaʼamoʼmo nofi alagafati aniʼmo lusi kava huno lokiya vaiʼniya anikana huno haneʼniyanageno mago kapufiʼmo havaiteʼnigeno aliʼniye. Agaemo lakisigeʼapaeʼmo muki hosu vayaʼmogimo alagi neʼa hano huʼa atalegae.

Mai'naya kavane 1:18

Nama anagaʼmo eʼa ohaigayaʼmonanafa ani vayaʼmogi uʼa umenimo aliʼa avayaka hu maleʼnayanageno apakaiʼapimo apatafaugiye. Maleʼnaya umenimoʼmo apatafausigeʼa faligae.

Mai'naya kavane 1:31

Ani kavaʼmo huʼnayaʼmofeʼmo hosu kavaʼapilefeʼmo miyaʼapimo aligae. Vae, huʼna, Huʼnaya kavaʼmoʼa hosu yosa alagamo aesigeʼa lagiʼa negae.

Mai'naya kavane 10:11

Fatago vayaʼai geʼapimoʼmo afaʼa maisaya yaʼmo alino neʼapamiya anikana huno haneʼniyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 11:23

Fatago vayaʼmogi alagepa kavaʼmo afole aisiyafeʼmo hapauʼniyanageno alagepa kavaʼageʼmo afole aigiyaʼmonanafa hosu vayaʼmogimo alagepa huʼa maisaya kavafeʼmo apavayagunagu nehagenoʼaeʼmo aipamo leno neʼapateyanageno kayoʼmo apamigiye.

Mai'naya kavane 12:14

Mago vekamoʼmo alagepa gemo hisiyaʼmoʼmo alagepa yaʼmoʼmo aipafiʼmo havaitesigeno alagi haiʼmo aliʼnove, huno hugiye. Ayatetiʼmo alagepa kavaʼmo hisiyaʼmoʼmo alagepa miyaʼmo aligiye.

Mai'naya kavane 18:20

Vayaʼmogimo nehaya gemoʼmo avina yakana huno haneʼniye. Ani avina yaʼmoʼmo neʼyaʼmo neʼaegenoʼaeʼmo apamu nehiye. Geʼapimoʼmo neʼyaʼamo aisigenoʼaeʼmo apaipafiʼmo havai tegaiye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Mai'naya kavane 4:17

Hosu kavaʼapimoʼmo neʼyaʼapigana huno haneʼniye. Vayaʼmo apamagisaya kavaʼmo aniʼapigana huno haneʼniye.

Hamakaki 2:17

Kagaemo Lepani avefiʼmo haneʼniya yahaomo heʼyaika hano huge afela afumo koli yaʼmo apamige hapaeka hano huge huʼnana agufa kavaʼmo kagaetegamo hugae. Kagaemo asole ve aʼnemo hapaege asole taonimo alika hosu huka atege huʼnanaʼmofeʼmo kagaetegamo alagi hosu kavaʼmo afole aigiye.

Hamakaki 2:8

Kagaemo kamemo huka aeka apaka seteka muki vayaʼai kagemi yaʼapimo aliʼnanaʼmofeʼmo aise logufaʼa vayaʼmogi kagaeʼeʼmo kamemo huteʼa huʼa aeʼa kaga seʼa kagemi yakamo aligae. Kagaemo vaya hapaeka kolaʼapimo aika lakiʼnane. Kagaemo muki mopamo alika hosu huka atege asole taonimo alika hosu huka atege asole alu nofi vaya alu nofi vayaʼmo hapaege huʼnanaʼmofeʼmae.

Leveleseni 16:6

Apakaemo apaote vayakamo kamitimo apamagiʼnageno kolaʼapimo asagauno aiʼniyaʼmofeʼmo hosu kavaʼapimo anonaʼapileʼmo kolaʼmo nesayafeʼmo apamiʼnane. Kolaʼmo nesaya vayaʼmo maiʼnayaʼmofeʼmae, huno huʼnigeʼna afiʼnove.