Mai'naya kavane 13:19 - The Keyagana NT and 25 OT books

¹⁹ Mago vekamoʼmo hauʼniya kavaʼmo afole aisigenoʼaeʼmo aipafiʼmo haga haugiyaʼmonanafa negi vayaʼmogimo hosu kavaʼmo atalesayafeʼmo alagi ohapaugiye.

Mai'naya kavane 13:19 ပူးပေါင်းရင်းမြစ်များ

Samu 34:14

Hosu kavategatiʼmo maitapa halove hutapa eta alagepa kavakeʼmo hiyo. Kaveta osutapa alagepa hutapa magokepi lokaeta maisayafeʼmo kahauya huta agetetapa vegala aeyo.

Samu 37:27

Hosu kavaʼmo ataletetapa alagepa kavakeʼmo hiyo alagi maige maige hutapa maigayanagi.

Mai'naya kavane 13:12

Vayaʼmogimo alagepa kavaʼmo afole aisiyafeʼmo agava maiʼneʼa apavayagunagu nehagenoʼaeʼmo ani kavaʼmo afole oʼaino yatala afinaʼmo maisigeʼapaeʼmo apaipamoʼmo kana hugiyaʼmonanafa hapauʼniya kavaʼmo afole aisigenoʼaeʼmo afaʼa maisaya yaʼmo neʼapamiya yosagana huno hanegaiye.

Mai'naya kavane 13:18

Alino aya malesiya gemo oʼafisiya vekamo avagage hisigeno kafu hugiyaʼmonanafa alino api aino atesiya gemo afisiya vekamoʼmo ala agimo aligiye.

Mai'naya kavane 13:20

Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 16:6

Ala kava neʼmoʼa hau ayamopafiʼmo nehaiya kavatetiʼe lama geʼaletiʼeʼmo vayaʼai hosu kavaʼapimo alino neʼatale. Ani kava huʼa vayaʼmogi Ala kava nefeʼmo koli nehaya kavatetiʼmo hosu kavaʼapimo neʼatalae.

Mai'naya kavane 29:10

Kamitimo apamagisayafeʼmo nehaya vayaʼmogimo vaiʼmo oʼaliʼniya vekaeʼmo nohapaiyaʼmonanafa fatago vayaʼmogimo ha maesayafeʼmo maiʼnae.

Mai'naya kavane 29:27

Fatago vayaʼmogimo aigofe vayaʼaifeʼmo ohapauʼnigeʼa apavenatuʼnaʼmo heʼa atalegekana huʼa neʼapatalae. Hosu vayaʼmogimo fatago vayaʼaifeʼmo ohapauʼnigeʼa apavenatuʼnaʼmo heʼa atalegekana huʼa neʼapatalae.

Mai'naya kavane 3:7

Afiteʼna ageʼnove, huka osuka Ala kava nefeʼmo koli huka hosu kavafeʼmo kakameʼya amiyo.

Salomoni Yokemae 3:4

Nagaemo apataleʼna uvategamo malage huʼna nagupi mafaʼnemoʼmo hau ayamopafiʼmo hauʼniya vekaʼnimo ageʼnove. Nagaemo agaetegamo uʼnaeʼmo agaemo natalesiyafeʼmo oʼnahauʼnigeʼnaeʼmo anu kiʼna maiʼnove. Oʼataleʼna avaleliʼnuʼna alino nateʼniya itaʼnimoʼmo nehavaeya yapilagamo utaʼa haiʼnoʼae.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.