Mai'naya kavane 13:16 - The Keyagana NT and 25 OT books

¹⁶ Alagepa kavaʼmo hisayafeʼmo ageʼnaya vayaʼmogimo afiʼnaya kavaʼapiletiʼmo muki kavaʼmo nehayaʼmonanafa negi vayaʼmogimo negi kavaʼmo nehaya kavaʼapimoʼmo muki haopalegamo aino atagu faeno uneno hisigeʼa afigae.

Mai'naya kavane 13:16 ပူးပေါင်းရင်းမြစ်များ

Samu 112:5

Fatago vekamoʼmo kanale kavaʼmo huno vayaʼai anonaʼapilefeʼmo neʼapamiye. Aigofe kavaʼmo huno aliʼyaʼamo noʼalifa fatago kavaʼmo huno aliʼyaʼamo neʼaliye.

Mai'naya kavane 14:33

Afiteno ageʼniya kavaʼmo afino aeto nehiya vekamo aipafiʼmo afaʼa nehaneyaʼmonanafa negi vayaʼmogi apaipafiʼmo haneʼniya kavaʼmo afole neʼaiye.

Mai'naya kavane 15:2

Afiteno ageʼniya vekamoʼmo afino aeto huʼniya gemo nehigeʼapaeʼmo afisayafeʼmo nehapaiyaʼmonanafa negi vayaʼmogimo apavayaʼaletikeʼmo negi gemo nehageno aniʼmo uno lamigekana huno uno nelamiye.

Mai'naya kavane 18:2

Negi vekamoʼmo afino aeto hisiya kavafeʼmo amogaga noʼaiyaʼmonanafa agaiʼamo agesamo neʼafiya kavafeʼmo hapa paisayafeʼmo amogaga neʼaiye.

Mai'naya kavane 21:24

Agae agiʼaleʼmo alino asaga huno atege vayaʼai apakiʼapileʼmo alino afepi apatege nehiya vekamo agiʼamo himuʼnamuʼmae. Agaemo ala agimo alisiyafeʼmo himuʼnamu kavaʼmo nehiye.

Aiyeya 52:13

Ala kava neʼmoʼa ina gemo hunoʼaeʼmo, Ageyo, huno, aliʼyaʼnimo neʼaliya vekamoʼmo alagepa huno afiteno ageʼnenoʼaeʼmo aliʼyaʼamo neʼalisigeno alagi afole aigiye. Vayaʼmogimo ala agiʼamo amiteʼapaeʼmo aliʼa asaga huliʼa anagamo uʼa haisageno hogote vekamo maigiye.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Lomu 16:19

Muki vayaʼmogimo lapakaemo alagepa hutapa gemo afitetapa akame nehaya kavafeʼmo lapava gemo ago afiʼnayaʼmofeʼmo namogaga aiʼna nelapatove. Afiʼnayaʼmonanafa lapakaemo alagepa kavaʼmo hisayafeʼmo afiʼnaya lapaipa lapakesamo alisayafekeʼmo nahauʼniyaʼmonanafa hosu kavaʼmo osisayafeʼmo oʼafiʼnaya vayakana hutapa maisayafeʼmo nahauʼniye.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

Efasasi 5:17

Inagi negi nagi vayaʼmo oʼmaitapa Ala kava neʼmo hauʼniya kavafeʼmo kahauya hutapa ageyo.

1 Samiyo 25:17

Aliʼyaʼmo afoʼamoʼmo himuʼnamo vekamo ge noʼafiya vekamo maiʼniyaʼmofeʼmo Neviniʼe vayaʼaʼeʼmo eʼa lagaemo ala vekatiʼe muki afamo anagaʼaʼeʼmo aliʼa hosu huʼa apategae. Kagaemo alagepa huka kagesamo afitekaeʼmo afole aisiya hanagekeyaʼmo atafauka ato, huno ha paiʼniye.

1 Samiyo 25:25

Kagaemo hosu vekamo Nemofeʼmo kagesamo oʼafiyo. Agiʼamo aepaʼamo haneʼniyana negi vekamo maiʼniye. Kavaʼamoʼmo ani agufa kavaʼmo haneʼniye. Nagaiʼnimo kagaemo alika apateʼnageʼa lagaetegamo eʼnaya neya vayakamo oʼapakeʼnove.