Mai'naya kavane 13:14 - The Keyagana NT and 25 OT books

¹⁴ Afiteʼa ageʼnaya vayaʼai keʼaepa geʼapimoʼmo afaʼa maisaya yaʼmo alino neʼapamiya meti anikana huno haneʼniye. Ani geletiʼmo nefaliya kavaʼmo aneʼaifatiʼmo faiʼa kasalo paegae.

Mai'naya kavane 13:14 ပူးပေါင်းရင်းမြစ်များ

Samu 116:3

Falisuva kavaʼmoʼa nofi aegekana huno natafauno alagi huno maiʼniye. Kanolufiʼmo uʼna lamiguve, huʼna nagesamo afiʼna nahausoli huteʼna koli huʼnove.

Samu 18:5

Fali kavaʼmoʼa faino vego huʼniye. Natafauʼa namagisaya aneʼaimoʼmo asole huʼniye.

Mai'naya kavane 10:11

Fatago vayaʼai geʼapimoʼmo afaʼa maisaya yaʼmo alino neʼapamiya anikana huno haneʼniyaʼmonanafa hosu vayaʼai hosu kavaʼapimoʼa apavayamo aino akani malegaiye.

Mai'naya kavane 14:27

Ala kava nefeʼmo koli nehaya kavaʼapimoʼmo afaʼa neʼmaiya yaʼmo neʼapamiya meti anikana huno haneʼniye. Ani kavatetiʼmo falisaya aneʼaifatiʼmo faiʼa kasalo paegae.

Mai'naya kavane 15:24

Afiteʼa ageʼnaya vayaʼmogimo ata koʼmo afelaga kotetiʼmo aiʼa afe leʼa ataleʼa afaʼa maisaya yaʼmo apamisiya kaʼmo anagamo uno haiʼniya kaʼmo haneʼniye.

Mai'naya kavane 16:17

Fatago vayaʼmogimo hosu kavaʼmo aeʼa aga sesaya kateʼmo neʼvae. Vayaʼmogimo kavaʼapileʼmo alagepa huʼa yagaiʼa neʼataya vayaʼmogi apauneʼapameʼmo alagepa huno maigiye.

Mai'naya kavane 16:22

Afino aeto nehiya kavaʼamo aliʼniya vekalefeʼmo afaʼa neʼmaiya yaʼmo neʼapamiya meti anikana huno maiʼniyaʼmonanafa negi vayaʼmogi negi kavaʼapiletiʼmo kayoʼmo neʼapamiye.

Mai'naya kavane 16:6

Ala kava neʼmoʼa hau ayamopafiʼmo nehaiya kavatetiʼe lama geʼaletiʼeʼmo vayaʼai hosu kavaʼapimo alino neʼatale. Ani kava huʼa vayaʼmogi Ala kava nefeʼmo koli nehaya kavatetiʼmo hosu kavaʼapimo neʼatalae.

Mai'naya kavane 9:11

Nagaemo ma mopafiʼmo yatala afinaʼmo maisana yaʼmo kamiguve. Magoʼe kafugamo kamisugeka maigane.

1 Samiyo 25:33

Nagaemo kamitimo apamagiʼna hosu kavaʼmo anonaʼalefeʼmo nagae nayapatiʼmo kamitimo hapaesugeʼa falisaya kavaʼmo osisuvafeʼmo natafauka nateʼnanaʼmofeʼmo aliʼna auleʼna kateʼnove.