Mai'naya kavane 13:13 - The Keyagana NT and 25 OT books

¹³ Ina lagimo Goti geʼaeʼmo, afaʼa ina agufa gemo haneʼniye, huʼa apakesamo neʼafisafigeno alino apagoʼyamo lagauno apatalegaiyaʼmonanafa geʼaeʼmo koli nehaya vayaʼmogimo miyaʼapimo aligae.

Mai'naya kavane 13:13 ပူးပေါင်းရင်းမြစ်များ

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Esala 10:3

Inagi hemenimo lagaemo Gotitimoʼeʼmo kotalakemo hu malegetao. Gotitimofeʼmo hutaeʼmo, Ani malaga aʼne anagaʼe mafaʼne anagaʼapiʼeʼmo hapa faita apatalegaune, huta ha paigune. Kagaemo ala vakeʼnimogae, huʼna, alagepa laipa lagesamo nelaminageʼa Gotitimo keʼaepa geʼamo afiteʼa atete nehaya vayaʼai geʼapiʼeʼmo afaʼa afigune. He, Goti keʼaepa gemo alagi akame hugune.

Samu 115:13

Ala kava neʼmoʼa agaefeʼmo muki koli nehaya vayanagi apaki haneʼniya vayanagi apaki ohaneʼniya vayanagi huno alino auleno apategaiye.

Samu 119:165

Keʼaepa gekaeʼmo hapau apayamopafiʼmo hapauʼniya vayaʼmo alagepa huʼa maiʼnageno apaipamoʼmo falu nehiyanageno mago yaʼmoʼa apavalelino asagauno aisiya yaʼmo alagi ohaneʼniye.

Samu 19:11

Gekamoʼmo, ehekae, huno nehigeʼnaeʼmo aliʼyakamo neʼaluva vekamoʼnamo afiteʼnaeʼmo atete nehuve. Gekamo akame nehaya vayaʼmogimo alopa miyaʼapimo aligae.

Samu 19:12

Muki vayaʼmogimo muki hosu kavaʼapifatiʼmo faiʼa kasalo nepaya kavaʼapimo alagepa huʼa afaʼa oʼagegae. Ala kava nene, huʼna, hosu kavaʼmo haneʼniye, huʼna oʼageʼna huʼnova hosu kavaʼnimo aeka kalo paeka atalo.

Hatu maeno apate'niya gemae 9:20

Kini vekamo mago aliʼyaʼamo neʼaliya vayaʼmogi Ala kava neʼmoʼa huʼniya geeʼmo koli huteʼa aliʼyaʼapimo neʼaliya vayanagi muki alu afu alu afu anagaʼapigi huʼa apavaleliʼa eʼa nopiʼmo apateʼnae.

Mai'naya kavane 1:25

Aliʼna api aiʼna lapateʼnovana olapauʼnigetapa lapavenatuʼna hetapa atalegekana hutapa ataletetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo lapakameʼyamo namiʼnae.

Mai'naya kavane 13:12

Vayaʼmogimo alagepa kavaʼmo afole aisiyafeʼmo agava maiʼneʼa apavayagunagu nehagenoʼaeʼmo ani kavaʼmo afole oʼaino yatala afinaʼmo maisigeʼapaeʼmo apaipamoʼmo kana hugiyaʼmonanafa hapauʼniya kavaʼmo afole aisigenoʼaeʼmo afaʼa maisaya yaʼmo neʼapamiya yosagana huno hanegaiye.

Mai'naya kavane 13:21

Hosu vayaʼmo hanageke kavaʼapimoʼmo apavegala neʼaeyaʼmonanafa fatago vayaʼmo anonaʼapilefeʼmo alagepa huʼa maigae.

Mai'naya kavane 16:20

Goti gemo afiteno akame nehiya vekamoʼmo alagepa huno maigiye. Ina kava huno Ala kava neʼmoʼa naha maegaiye, huno alino amufa neʼamiya vekamoʼmo afaʼa amogaga aigiye.

Mai'naya kavane 19:16

Hiyo, huno huʼniya geleʼmo alagepa huno neʼyagaiya vekamoʼmo agaiʼaleʼmo alagepa huno yagaino neʼateyaʼmonanafa agaiʼa kavaʼaleʼmo alagepa huno yagaino noʼateya vekamo faligiye.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Luki 16:31

Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo oʼafisayana mago faliʼnisiya vekamoʼmo he tinuno hapa paisiya gemo oʼafigae, huno ha paiʼniye, huno Yesuʼa hapa paiʼniye.

2 Yoni 1:8

Alagepa miyatimo alisunafeʼmo aliʼyaʼmo aliʼnone. Fiku yanageta oʼaligunanagi alagepa hutapa yagaitapa maiyo alopa miyatimo aligune.