Mai'naya kavane 13:12 - The Keyagana NT and 25 OT books

¹² Vayaʼmogimo alagepa kavaʼmo afole aisiyafeʼmo agava maiʼneʼa apavayagunagu nehagenoʼaeʼmo ani kavaʼmo afole oʼaino yatala afinaʼmo maisigeʼapaeʼmo apaipamoʼmo kana hugiyaʼmonanafa hapauʼniya kavaʼmo afole aisigenoʼaeʼmo afaʼa maisaya yaʼmo neʼapamiya yosagana huno hanegaiye.

Mai'naya kavane 13:12 ပူးပေါင်းရင်းမြစ်များ

Aepa Gemae 46:30

Isaleliʼa Yosefefeʼmo ha painoʼaeʼmo, Hemenimo afaʼa maiʼnanageʼna kaugosafiʼmo kageʼnovaʼmofeʼmo afaʼa faliguve, huno ha paiʼniye.

Samu 143:7

O Ala kava nene, huʼna, Geʼnimo afiteka malage huka naha mao. Nauneʼnameʼnimo faligekana huno maiʼniye. Kagaemo nagaefeʼmo fala okiyo, fiku yanageʼna faliteʼa alopa kelifiʼmo uʼa lamiʼnaya vayakana huʼna maiguve.

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 69:3

Keya aeʼna ge huge huge hufʼna maiʼnogenoʼaeʼmo lusi kava huno alagaʼmo nahaeʼniye. Lugoʼnileʼmo hau huʼnigeʼna Gotiʼnimofeʼmo agava maiʼnogeno naulagafatiʼmo nagafu kiʼniye.

Mai'naya kavane 11:30

Fatago vayaʼai kavaʼapimoʼmo afaʼa maisaya yaʼmo neʼapamiya yosagana huno haneʼniye. Goti geʼaletiʼmo Goti mafaʼnemo alino hamaleno neʼapateya vekamo afiteno ageʼniya vekamo maiʼniye.

Mai'naya kavane 13:11

Hosu kavatetiʼmo fikumo neʼaliya monimoʼmo alino aise hume hume uno lamigiyaʼmonanafa lokiya aliʼyaʼmo hapaise vose huʼa aliteʼa neʼaliya monimoʼmo magoʼe huno kosime kosime uno haigiye.

Mai'naya kavane 13:13

Ina lagimo Goti geʼaeʼmo, afaʼa ina agufa gemo haneʼniye, huʼa apakesamo neʼafisafigeno alino apagoʼyamo lagauno apatalegaiyaʼmonanafa geʼaeʼmo koli nehaya vayaʼmogimo miyaʼapimo aligae.

Mai'naya kavane 13:19

Mago vekamoʼmo hauʼniya kavaʼmo afole aisigenoʼaeʼmo aipafiʼmo haga haugiyaʼmonanafa negi vayaʼmogimo hosu kavaʼmo atalesayafeʼmo alagi ohapaugiye.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Salomoni Yokemae 5:8

Yulusalemu aʼmafaʼne anagaʼmogitapae, huʼna, Lapakaemo nahau nayamopafiʼmo neʼnahaiya vekaʼnimo agetapaeʼmo agaefeʼmo nahau nayamopafiʼmo nahauʼniyaʼmofeʼmo lokiyaʼnimo ohaneʼniye, hutapa ha paiyo, huno hapa paiʼniye.

Yoni 16:22

Ani kava hutapa hemenimo yulagefa neʼaiyaʼmonanafa halate eʼna lapakesugetapaeʼmo lapaipafiʼmo lapamogaga aigae. Mago vekamoʼmo ani lapamogaga aisaya kavatapimo afaʼa alino oʼatalegaiye.

Leveleseni 2:7

Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.