Mai'naya kavane 12:28 - The Keyagana NT and 25 OT books

²⁸ Fatago kavaʼmo kaʼamo afaʼa maisaya kavategamo uʼniye. Ani kateʼmo neʼvaya vayaʼmo alagi ofaligae.

Mai'naya kavane 12:28 ပူးပေါင်းရင်းမြစ်များ

Mai'naya kavane 10:16

Fatago vayaʼmogi aliʼyaʼapimo neʼaliʼapaeʼmo afaʼa maisaya yaʼmo aligayaʼmonanafa hosu vayaʼmogimo aliʼyaʼapimo neʼaligenoʼaeʼmo hosu kavaʼapimo afole neʼaiye.

Mai'naya kavane 10:2

Hosu kavatetiʼmo neʼaliya kagemi yaʼapimoʼmo hapa oʼmaegiyaʼmonanafa fatago kavatetiʼmo falisaya kavatetiʼmo apakufamo alino katino apategaiye.

Mai'naya kavane 11:19

Muki vayaʼmogi fatago kavaʼmo akame nehisayana afaʼa maisaya yaʼmo aligayaʼmonanafa hosu kavaʼmo hisayafeʼmo vegala neʼaya vayaʼmo faligae.

Mai'naya kavane 8:35

Kahauya huʼa neʼnagaya vayaʼmo afaʼa maisaya yaʼmo aligae. Apakaemo Ala kava neʼmoʼa fikumo hapa maeno apamisigeʼa aligae.

Mai'naya kavane 9:11

Nagaemo ma mopafiʼmo yatala afinaʼmo maisana yaʼmo kamiguve. Magoʼe kafugamo kamisugeka maigane.

Lomu 5:21

Hosu kavaʼmoʼa nefaliya kavaʼmo alino afole aino ateteno ani kavatetiʼmo yagaino neʼapateya kava huno fikumo hapa maeno neʼapamiya kavaʼmoʼa fatago kavaʼaletiʼmo yagaino neʼapatesigeʼa Ala kava netimo Yesu Kalaisitetiʼmo alagepa huʼa maige maige huʼa maisaya yaʼmo apamisiyafeʼmae.

1 Yoni 2:29

Lapakaemo Gotiʼa alagepa kavaʼageʼmo nehiya vekae, hutapa ago afiʼnayaʼmofeʼmo agaemo alagepa kavaʼmo nehaya vayaʼmo hogoteno alino apateʼnigeʼa mafaʼneʼamo maiʼnae, hutapa afiʼnae.

1 Yoni 3:7

Aise mafaʼneʼnimogitapae, huʼna, fiku yanagetapa apateʼnisageʼa humi lapategae. Kalaisiʼa fatago vekamo maiʼniya kava huʼa alagepa kavaʼmo nehaya vayaʼmo fatago vayaʼmo maiʼnae.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.