Mai'naya kavane 12:25 - The Keyagana NT and 25 OT books

²⁵ Hausoli nehiya vekamo aipamoʼmo kana nehiyaʼmonanafa mago vekamoʼmo alagepa gemo ha paisigenoʼaeʼmo amogaga aigiye.

Mai'naya kavane 12:25 ပူးပေါင်းရင်းမြစ်များ

Samu 38:6

Nagufamoʼmo kanaʼageʼmo nahauʼnigeʼna muki afinaʼmo ape huʼnageʼmo maiʼneʼnaeʼmo yulagefa aiʼna neʼmauve.

Samu 42:11

Nagaemo na kava higeʼnaeʼmo naipamoʼmo kana nehiye. Na kava higeʼnaeʼmo nagesa alaʼamo neʼafuve. Nagupi mafaʼneyo, huʼna, Gotiʼa naha maesiyafeʼmo agava maiʼneka kavayagunagu nehugeʼnao halate naha neʼmaeya vekaʼnimo Gotiʼnimo agiʼaleʼmo aliʼna asaga huguve.

Mai'naya kavane 12:18

Naipemoʼmo vayaʼai apaipafiʼmo neʼaeya kava huʼa mago vayaʼmogi lokiya gefatiʼmo huʼnagenoʼaeʼmo apakafu nekiya gemo nehayaʼmonanafa afiteʼa ageʼnaya vayaʼmogimo geʼapiletiʼmo vayaʼmo hapa maeʼa aliʼa alagepa huʼa neʼapatae.

Mai'naya kavane 12:26

Fatago vekamoʼmo haopaleʼmo maiʼniya vekamo kaʼmo alino ho huno ategaiyaʼmonanafa hosu vayaʼmogimo hosu kavaʼapimoʼa alagepa kaʼmo ataleʼa hosu kateʼmo visayafeʼmo apavalelino neʼviye.

Mai'naya kavane 14:10

Vayaʼmogimo apakaiʼapimo apaipafiʼmo kana neʼaliya kavaʼapimo agege apamogaga neʼaiya kavaʼapimo agege nehayaʼmonanafa alu kotega vayaʼaifeʼmo huʼa afole aiʼa hapa opaigae.

Mai'naya kavane 15:13

Mago vekamoʼmo aipafiʼmo amogaga aisiyaʼmoʼmo augosamoʼmo kigi hugiyaʼmonanafa aipamoʼmo kana hisiyaʼmoʼmo aunemeʼamo maleno apaligiye.

Mai'naya kavane 15:15

Lusi kana yaʼmo neʼaliya vayaʼmogi muki afinaʼmo alagepa huʼa noʼmaiyaʼmonanafa aipafiʼmo amogaga neʼaiya vekamoʼmo muki afinaʼmo alopa yagita nehiya afinaʼagana huno haneʼniye.

Mai'naya kavane 15:23

Mago vekamoʼmo geʼaleʼmo alagepa gemo huno aeno atagaina huno ha paisigenoʼaeʼmo aipafiʼmo amogaga aigiye. Mago vekamoʼmo alu vekamoʼmo alagepa huno gemo afisiya afinaʼmo alagepa gemo ha paisiyaʼmoʼmo kanale gemo haneʼniye.

Mai'naya kavane 15:30

Alagepa yaʼmo ageteʼapaeʼmo apaipafiʼmo apamogaga neʼaiye. Ani kava huʼa alagepa faigoko gemo afiteʼapaeʼmo alagepa huʼa neʼmaiye.

Mai'naya kavane 16:24

Alagepa gemoʼa lume anukana huno haneʼniye. Ani gemoʼmo apaipafatiʼmo haga nehapaigenoʼaeʼmo alino lokiya vaino neʼapate.

Mai'naya kavane 17:22

Apamogaga neʼaiya apaipamo malasinigana huno haneʼneno alino falu huno neʼapateyaʼmonanafa maleno neʼapaliya apauneʼapameʼmoʼa apauneʼapameʼmo alino hosu huno neʼate.

Mai'naya kavane 18:14

Vayaʼmogi apauneʼapameʼmo kaitaʼmo hauʼnisiyaʼmoʼmo lokiya vaino apategaiyaʼmonanafa maleno apaliʼnisiya apauneʼapameʼmo haneʼnisayaʼmoʼmo haiya kava huʼa alagepa huʼa maigae.

Mai'naya kavane 25:11

Mago vekamoʼmo alagepa gemo kanale huno aeno hakalo huno hapa paisiyaʼmoʼmo inagi geʼamoʼmo siluva yuvapafiʼmo goli yafatetiʼmo alo huʼa neʼmaiya yosa alagagana huno haneʼniye.

Mai'naya kavane 27:9

Alagepa atumo neʼaiʼa yatalaʼmo galisiʼe uveliʼefeʼmo amuse nehuna kava huta lao vayaʼeʼmo alagepa huno laha maesiya geeʼmo amuse nehune.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.