Mai'naya kavane 12:18 - The Keyagana NT and 25 OT books

¹⁸ Naipemoʼmo vayaʼai apaipafiʼmo neʼaeya kava huʼa mago vayaʼmogi lokiya gefatiʼmo huʼnagenoʼaeʼmo apakafu nekiya gemo nehayaʼmonanafa afiteʼa ageʼnaya vayaʼmogimo geʼapiletiʼmo vayaʼmo hapa maeʼa aliʼa alagepa huʼa neʼapatae.

Mai'naya kavane 12:18 ပူးပေါင်းရင်းမြစ်များ

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Samu 57:5

O Gotiyo, huʼna, vayaʼmogimo kagikaleʼmo aliʼa asaga hisageno alagi anagagemo uno haino. Ma mopafi muki haopalegamo ha le konali yakamoʼa aino atagu faino.

Samu 59:7

Geʼapimoʼmo aveʼmo neʼneya naipegana huno haneʼniye. Apakaemo faipa huʼa apatege apamagigune, huʼa huge nehae. Apakaemo huʼapaeʼmo, Ina lagimo getimo afigae, huʼa nehae.

Samu 64:3

Apakaemo apavenafuʼnaleʼmo kuʼme kaneʼnageno aveʼmo neʼneya naipegana huno haneʼniye. Hosu geʼapimoʼmo kevegana huno haneʼniye.

Mai'naya kavane 12:17

Agotileʼmo lama ge faigoko gemo nehiya vekamoʼmo fatago kavaʼmo alino apave neliyaʼmonanafa aigofe faigoko gemo nehiya vekamoʼmo humi apatesiya agufa gemo nehiye.

Mai'naya kavane 13:17

Hosu apa vekamoʼmo hanageke yaʼmo aligiyaʼmonanafa alagepa aliʼyaʼmo neʼaliya apa vekamoʼmo vayaʼmo alagepa huno hapa maegaiye.

Mai'naya kavane 15:4

Kaitaʼmo ohauʼniya avayafatiʼmo nehiya gemoʼmo afaʼa neʼmaiya yaʼmo neʼapamiya yosagana huno haneʼniyaʼmonanafa kayagi kayaga gemo nehiya vekamoʼmo alino hosu huno neʼapate.

Mai'naya kavane 15:7

Afiteʼa ageʼnaya vayaʼmogimo afiʼa aeto hisaya agufa gemo hapa nepaiyaʼmonanafa negi vayaʼmogimo ani agufa gemo nosae.

Mai'naya kavane 16:24

Alagepa gemoʼa lume anukana huno haneʼniye. Ani gemoʼmo apaipafatiʼmo haga nehapaigenoʼaeʼmo alino lokiya vaino neʼapate.

Mai'naya kavane 25:18

Haopaleʼmo maiʼniya vekaeʼamo aigofe faigoko gemo nehiya vekamoʼmo alopa kayokana huno maige naepekana huno maige aveʼe kevegana huno maige huʼniye.

Mai'naya kavane 4:22

Ani gemo kahauya huʼa ageʼa alisaya vayaʼmo ani geletiʼmo ofaliʼa afaʼa maigae. Kaita ohapausigeʼa alagepa huʼa maigae.

Neniyo 11:33

Afiteʼa ageʼnaya vayaʼmogimo asole vayaʼaina aliʼa apaya malesageʼa kame vayaʼapimo naipeletiʼmo apaige atafiʼmo kaege kalavusi huʼa apatege kagemiyaʼapimo kumayaʼmo alige hugae.

Leveleseni 1:16

Agaemo lamaga ayapiʼmo seveniʼa kanefiʼmo aliʼnigeno avayafatiʼmo aluga alugaʼamo ave neʼneya naipemo emineʼniye. Augosafatiʼmo yegemo haineno feluga kuku huteno neleya kava huno leʼnigeʼna ageʼnove.