Mai'naya kavane 12:15 - The Keyagana NT and 25 OT books

¹⁵ Negi vekamoʼmo agaiʼa aulagaleʼmo nehiya kavaʼaeʼmo alagi alagepa kavaʼageʼmo nehuve, huno nehiyaʼmonanafa alino api aino atesiya gemo afiʼniya vekamoʼmo afiteno ageʼniya vekamo maiʼniye.

Mai'naya kavane 12:15 ပူးပေါင်းရင်းမြစ်များ

Mai'naya kavane 1:5

Alagepa huno afiʼnisiya vekamo kaʼmo alino ho huno ategaiye.

Mai'naya kavane 13:1

Afiteno ageʼniya mafaʼnemoʼmo afoʼamoʼmo alino aya neʼmaleya gemo neʼafiyaʼmonanafa himuʼnamu kavaʼmo nehiya mafaʼnemoʼmo afoʼamoʼmo alino api aino neʼateya gemo noʼafiye.

Mai'naya kavane 13:10

Apakiʼapileʼmo aliʼa asaga huʼa neʼataya kavapatiʼmo ge nehapaya kavaʼmo afole neʼaiyaʼmonanafa aliʼa api aiʼa apatesayafeʼmo nehaya gemo neʼafiya vayaʼmogi afiteʼa ageʼnaya vayaʼmo maiʼnae.

Mai'naya kavane 14:12

Mago vayaʼmogimo alagepa kateʼmo neʼune, huʼa apakesamo neʼafiyaʼmonanafa vayaʼmo faliʼa uʼa neʼmaiya kotegageʼmo uʼa avaʼyi hugae.

Mai'naya kavane 14:16

Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 16:2

Vayaʼmogi apaulagaleʼmo muki kavaʼapimoʼmo yaveyave kavaʼageʼmo haneʼniyaʼmonanafa Ala kava neʼmoʼa alagepa huno kavaʼapimo aepaʼamo alino fako huno neʼage.

Mai'naya kavane 16:25

Mago vayaʼmogimo, alagepa kateʼmo neʼune, huʼa apakesamo neʼafiyaʼmonanafa faliʼnaya vayaʼmo uʼa neʼmaiya kotegageʼmo uʼa avaʼyi hugae.

Mai'naya kavane 19:20

Kagaemo henaga kanalekamo afiteka agesanafeʼmo aliʼa api aiʼa katesaya gemo afige aliʼa kaya malesaya gemo afige huvo.

Mai'naya kavane 21:2

Muki vayaʼmogi huʼapaeʼmo, alagepa kavaʼmo nehune, huʼa nehiyaʼmonanafa Ala kava neʼmoʼa apaipafi kavaʼmo alino fako huno neʼage.

Mai'naya kavane 26:12

Negi vekamoʼmo alagepa kavaʼmo hisiyafeʼmo mago vekamo agaiʼa aulagaleʼmo afiteʼna ageʼnova vekamo maiʼnove, huno nehiya vekamo aeno aga seʼniye.

Mai'naya kavane 26:16

Alagaʼmo nehaeya vekamoʼmo agaiʼa aulagaleʼmo, afiteʼna ageʼnova vekamo maiʼnovaʼmofeʼmo seveniʼa vayaʼmo ago aeʼna apaka seʼnove, huno agesamo neʼafiyaʼmonanafa ani seveniʼa vayaʼmogimo ge aleʼmo alagepa huʼa afaʼa aeʼa atagaina huʼa ha paigae.

Mai'naya kavane 28:11

Kagemi yaʼamo haneʼniya vekamoʼmo agaiʼa aulagaleʼmo afiteno ageʼniya vekamo maiʼniyaʼmonanafa kagemi yaʼamo ohaneʼniya vekamoʼmo afino aeto nehiya kavatetiʼmo kagemi yaʼamo haneʼniya vekamo kavaʼamo ageno alagepa huno alino fako nehiye.

Mai'naya kavane 3:7

Afiteʼna ageʼnove, huka osuka Ala kava nefeʼmo koli huka hosu kavafeʼmo kakameʼya amiyo.

Mai'naya kavane 30:12

Mago nofi vayaʼmo hosu kavaʼapimo aeno kalopaeno oʼataleʼniyana apakaiʼapi apaulagaleʼmo hosu kavatimo ohaneʼnigeta kanale laipa lagesa vayaʼmo maiʼnone, huʼa nehae.

Mai'naya kavane 9:9

Kagaemo afiteno neʼageya vekamo alika aya malesanageno magoʼe huno afiteno agegaiye. Kagaemo fatago vekamo alika aya malesanageno afiʼniya kavaʼaleʼmo magoʼe huno afigiye.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

Galesiya 6:3

Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate.