Mai'naya kavane 12:13 - The Keyagana NT and 25 OT books

¹³ Hosu vayaʼai geʼapimoʼmo aneʼai hegekana huno apatafaugiyaʼmonanafa fatago vayaʼmogi hanageke yaʼmo aeʼa aga segae.

Mai'naya kavane 12:13 ပူးပေါင်းရင်းမြစ်များ

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Samu 34:20

Ala kava neʼmoʼa kanale vekaleʼmo alagepa huno yagaino ateʼnigeno magoke ayamufamo lo oʼaeʼniye.

Samu 5:6

Kagaemo aigofe gemo nehaya vayaʼmo alika apagoʼya lagauka apatalegane. Ala kava neʼmoʼa vayaʼmo nehapaya vayaʼe humi neʼapataya vayaʼefeʼmo avenatuʼnaʼmo heno atalegekana huno neʼmaiye.

Samu 59:12

Apavayaletiʼmo hosu gemo nehayaʼmofeʼmo apakiʼapileʼmo aliʼa asaga hisagekaeʼmo apata fauvo. Lifana gemo huge kasu ge huge nehayaʼmofeʼmae.

Samu 59:13

Kagaemo apakaefeʼmo kaipamo leka neʼapatakaeʼmo kamitimo apamagiyo. Alagi alika hano huka apato. Ani kavaʼmo hisanageʼa muki vayaʼmogi agegayana Gotiʼa Isaleli kotegamo yagaino neʼapate, huʼa agegae. Gotiʼa muki mopafi vayaʼaiteʼmo yagaino neʼapate, huʼa agegae.

Samu 64:8

Apakaemo hosu gemo nehayaʼmofeʼmo Gotiʼa alino hano huno apatalegaiye. Vayaʼmogimo apakaetegamo afole aisiya kavaʼmo ageteʼapaeʼmo apakenopaletiʼmo keka hugae.

Mai'naya kavane 10:8

Afiteno neʼageya vekamoʼa huvo, huʼa nehaya gemo akame nehiyaʼmonanafa asole afa gemo nehiya vekamo asagauno aigiye.

Mai'naya kavane 11:8

Fatago vayaʼmo hanageke yapatiʼmo apakufamo alino katino neʼapategeno ani hanageke yaʼmoʼmo hosu vayaʼaitegamo afole neʼaiye.

Mai'naya kavane 15:2

Afiteno ageʼniya vekamoʼmo afino aeto huʼniya gemo nehigeʼapaeʼmo afisayafeʼmo nehapaiyaʼmonanafa negi vayaʼmogimo apavayaʼaletikeʼmo negi gemo nehageno aniʼmo uno lamigekana huno uno nelamiye.

Mai'naya kavane 18:21

Apavayafatiʼmo nehaya geʼapimoʼmo afaʼa maisaya yaʼmo alino apamige falisaya yaʼmo alino apamige nehiye. Alagepa geeʼmo nehapaisiya vayaʼmo alagepa huʼa maigayaʼmonanafa hosu geeʼmo nehapausiya vayaʼmo alagepa huʼa oʼmaigae.

Mai'naya kavane 21:23

Avayaleʼe avenafuʼnaleʼeʼmo yagaino neʼatesiya vekamoʼmo hanageke yaʼmo oʼaligiye.

Mai'naya kavane 6:2

gekaletiʼmo kagaikamo alika aneʼaifiʼmo heka kateʼnane. Kagaika gekaletiʼmo kalavusi huka kateʼnane.

Neniyo 6:24

Inagi kini vekamoʼmo huʼnigeʼa Neniyoʼmo agoti huʼa ateʼnaya vayaʼe muki aʼne mafaʼneʼapiʼeʼmo apavaleliʼeʼa apasagauʼa laiyoni anagaʼmogi kelifiʼmo yaga auʼa apataleʼnageʼa lamiʼa mopale asagauʼa oʼaiʼnageʼapaeʼmo laiyoni anagaʼmogimo aeʼa apaka seʼa apakufamo haniʼa katali katalu huʼnae.

Matiyu 27:25

muki vayaʼmogimo huʼapaeʼmo, falisiya vaiʼmo afaʼa alisunageʼa mafaʼnetimogiʼeʼmo afaʼa aligae, huʼa ha paiʼnae.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.