Mai'naya kavane 12:12 - The Keyagana NT and 25 OT books

¹² Hosu vayaʼmogimo apakeʼnayana mago vayaʼmogimo hosu kava huteʼa asole yaʼmo aliʼnageʼa apaketeʼapaeʼmo hapaʼye nehayaʼmonanafa fatago vayaʼmo hapafuʼyamo aiʼnigeʼa asole alagamo neʼae.

Mai'naya kavane 12:12 ပူးပေါင်းရင်းမြစ်များ

Samu 1:3

Apakaemo ani agoʼnanenamo folagapiʼmo fai maleʼniya yosamoʼmo alagamo neʼaeya afinaʼmo alagamo aesigenoʼaeʼmo haitaʼamo falu noteya yosagana huʼa maiʼnae. Muki aliʼnaya aliʼyaʼapimoʼmo alagepa huno afole neʼaiye.

Samu 10:9

Laiyonimoʼmo fala nekiya kava huno kagemi yaʼapimo ohaneʼniya vayaʼmo apatafausiyafeʼmo fala kino maiteno yagaino maiʼniye. Umeniʼaletiʼmo neʼapatafaiye.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Mai'naya kavane 10:15

Kagemi yaʼamo haneʼniya vekamo kagemi yaʼamoʼa faino vego huno neʼateyaʼmonanafa kagemi yaʼamo ohaneʼniya vekamo kafu hu kavaʼmoʼa alino hano huno ategaiye.

Mai'naya kavane 11:30

Fatago vayaʼai kavaʼapimoʼmo afaʼa maisaya yaʼmo neʼapamiya yosagana huno haneʼniye. Goti geʼaletiʼmo Goti mafaʼnemo alino hamaleno neʼapateya vekamo afiteno ageʼniya vekamo maiʼniye.

Mai'naya kavane 21:10

Hosu vayaʼmogimo hosu kavafeʼmo lusi kava huno apaka nete. Hapaopaleʼmo maiʼnaya vayaʼaifeʼmo hapaoke nosae.

Maika 7:2

Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:5

Nagaemo nofiʼagana huʼna maiʼnogetapa nofi akopaʼagana hutapa maiʼnae. Naote maige lapaote maige huʼnisunana lapakaemo mago kavaʼmo afaʼa osugayaʼmofeʼmo nagaepiʼmo alagi maiʼnisageʼna lapakaepiʼmo alagi maiʼnisugetapaeʼmo asole alagamo afaʼa aegae.

Lomu 6:22

Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.