Mai'naya kavane 12:11 - The Keyagana NT and 25 OT books

¹¹ Hoyamo neʼvaiya vekamoʼmo neʼyaʼmo neno amu hugiyaʼmonanafa aliʼyaʼmo oʼaliʼa alu ya alu yafeʼmo apamogaga neʼaiya vayaʼmogi afiʼa aeto nosae.

Mai'naya kavane 12:11 ပူးပေါင်းရင်းမြစ်များ

Aepa Gemae 3:19

Lusi kava huka ahaise vose hukageʼmo aliʼyaʼmo aliteka neʼyaʼmo alika afole aika negane. Inagi kagaemo muki afinaʼmo ina kava huka aliʼyaʼmo alitekaeʼmo falisana afinaʼmo mopafiʼmo uka lamigane. Na kava hinagekaene. Nagaemo mopaletiʼmo alo huʼna kateʼnovaʼmofeʼmo halate mopafiʼmo uka lamigane.

Samu 128:2

Kagaemo hoyakafatiʼmo neʼyaʼmo alika netekaeʼmo kamogaga aika alagepa huka maigane.

Samu 26:4

Nagaemo aigofe vayaʼeʼmo lokaeʼna oʼmaiʼnove. Lole apaipaʼe vayaʼeʼmo fai noʼmauve.

Mai'naya kavane 13:20

Afiteʼa ageʼnaya vayaʼeʼmo magokepi lokaeno umenitata nehiya vekamoʼmo afiteno agegaiyaʼmonanafa negi vayaʼeʼmo magokepi lokaeno neʼmaiya vekamo alagepa huno oʼmaigiyaʼmofeʼmo alino agoʼya lagauno atalegaiye.

Mai'naya kavane 13:23

Kagemi yaʼamo ohaneʼniya vekamo hoyafatiʼmo asole neʼyaʼmo hagegaiyaʼmonanafa ala apaki vayaʼmogi aigofe huteʼa kumayaʼmo aligae.

Mai'naya kavane 14:23

Aliʼyaʼmo neʼaliya vayaʼmo miyaʼapimo aligayaʼmonanafa afaʼa maiʼneʼa geʼageʼmo nehaya vayaʼmo kafu hugae.

Mai'naya kavane 14:4

Aliʼyaʼmo neʼaliya pulumakamo oʼmaiʼnisayaʼmoʼmo pulumakamo neʼyaʼmo neʼmalaya yuvapamo afaʼa haneʼniyaʼmonanafa pulumakamo maiʼnisayaʼmoʼmo lokiyaʼapiletiʼmo aliʼyaʼmo alisageno hoyafatiʼmo asole neʼyaʼmo hagegaiye.

Mai'naya kavane 20:13

Kau kaleka maisana kavafeʼmo okahaino fiku yanageno kagemi yakamo ohanesiya vekamo maigane. Kaupatiʼmo he tika aliʼyaʼmo alisanaʼmoʼmo neʼyaʼmo neka kamu hugane.

Mai'naya kavane 27:27

Memekamo nu anuʼamo lapaika kagaikaʼe afamo anagakaʼeʼmo nege aliʼyakamo neʼaliya saufa a mafaʼne anagaʼmo netapa apamige huvo.

Mai'naya kavane 28:19

Agaiʼamo mopafiʼmo hoyamo alino neʼvaiya vekamoʼmo asole neʼyaʼmo aligiyaʼmonanafa aepaʼamo ohaneʼniya kavaʼmo akame nehiya vekamo kafu huge huge huno maigiye.

Mai'naya kavane 6:32

Hugiyaʼmonanafa a kanoʼeʼmo kumai kavaʼmo huʼnisiya vekamoʼmo ika ika kavaʼmo huteno negi nagi kavaʼmo hugiye. Agaiʼamo alino hosu huno ategaiye.

Mai'naya kavane 7:7

Apakeʼnovana mago alagepa apakesa afi yaʼmo ohaneʼniya neya vayaʼmo umenitata nehageʼna apakeʼnove. Mago neya vekamo agesa afi yaʼmo alagi ohaneʼniye.

Mai'naya kavane 9:13

Negi nagi a kanomoʼa avagage nosigeno alopa age aino ge nehiye. Agesamo ohaneʼnigenoʼaeʼmo ge noʼafiye.

Mai'naya kavane 9:16

Ina ge huno keya aeno ge hunoʼaeʼmo, Lapakesamo ohaneʼnigetapa ge noʼafiya vayanagi noʼnifiʼmo etapa haiteyo, huno hapa nepaiye. Ani a kanomoʼa afino aeto nosiya vekaeʼmo hunoʼaeʼmo,

Mai'naya kavane 9:6

Negi nagi kavaʼmo atalegenoʼao afaʼa maisaya yaʼmo aligayanagi. Afitapa aeto hisayafeʼmo alagepa kateʼmo viyo, huno hapa paiʼniye.

Yona 2:8

Aigofe gotiʼapimogitefeʼmo mono nehaya vayaʼmo kahau huka apatesana Gotigamo ago kataleʼnae.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

2 Tesaloniyani 3:8

Neʼyatapimo fikumo alita oʼneʼnonaʼmonanafa laha maesayafeʼmo kana yaʼmo alita olapamisunafeʼmo felugaʼe haniʼilagaʼeʼmo aliʼyaʼmo aliʼnone.